【請即發布】

自由鳥空降 OK 便利店 24 x 7 輕鬆拎 SIM「飛約」自由
熱爆「Birdie Friday」載譽歸來 大派一連串雀巢人氣獎賞

（香港，2019 年 12 月 18 日）自由鳥又有新攪作！最近，自由鳥已飛到全線 OK 便利店。由今日起，你想登記本地手機上網服務、還是要買旅行數據卡，無論係咩時間、喺邊度，都可以做隻輕鬆自由鳥！另外，熱爆「Birdie Friday」仲會夥拍雀巢香港於 OK便利店大派多重優惠，勢必引發全城瘋搶鳥！自由鳥已早喺八月空降全港近 300 間 OK 便利店作 SIM 卡領取站，現時全港領取站已覆蓋超過 500 個地點，真正做到全天候上台、24 x 7 即時攞 SIM，只須下載「Birdie Mobile」手機 App 登記服務，就可即時加入自由鳥大家庭，玩盡著數同獎賞。仲未夠 free？「自由鳥遨遊 SIM」外遊數據卡亦已同時登陸全線 OK 便利店，助你達成隨時隨地出發嘆世界嘅夢想。一插即用，仲可以隨時加購日費再出發，咁就隨時都可以放個長假輕鬆吓，唔使再喺旅行前周圍撲 SIM！其實早前於今年九月份自由鳥亦曾與 OK 便利店合作，透過 OK Stamp IT 手機應用程 式推出限時限量優惠以回饋 OK 便利店會員。嚟緊亦會推出更多優惠，記得緊貼最新消息！

加入自由鳥，驚喜著數陸續有來！為咗不斷加大「Birdie Friday」吸引度，自由鳥與知名品牌雀巢合作推出優惠，並以 OK 便利店作為獨家換領站，為大家帶來營養、健康、幸福生活。於九月份推出嘅自由鳥 x 雀巢茶品®絲滑™奶茶雪糕杯「Birdie Friday」推廣大受歡迎，嚟緊亦將接二連三夥拍雀巢人氣產品強勢回歸。第一炮就响上星期五 12 月13 日開始，至 12 月 26 日期間免費請你食 6,000 件香脆味美嘅雀巢®KIT KAT®朱古力。
一撳即搶，齊齊投入嚟返個 Chill 歎 Happy Friday！

Head of Birdie 黃俊仁先生表示﹕「自由鳥係首個專門為『千禧世代』喜好而設計嘅流動電訊品牌，不但功能破格創新，服務靈活彈性，優惠獎賞更係源源不絕。今次夥拍 OK便利店強大嘅銷售網絡及深受歡迎嘅雀巢產品優惠，再配合全天侯自由鳥應用程式，打破傳統流動電訊商既有框框，銳意締造一個幾破格且融入客戶生活嘅服務體驗。同時，我哋亦好高興能夠與雀巢香港及 OK 便利店成為策略性合作夥伴，透過合作帶出更創新以及數碼化嘅服務，加入更多創意，為客戶帶嚟更方便、以及用更優惠嘅價錢，體驗更好嘅產品！」

雀巢香港有限公司總經理鍾美玲小姐說：「雀巢香港致力提升生活品質，貢獻於更健康嘅未來。我哋希望透過『Birdie Friday』為消費者提供優質嘅雀巢產品，向客戶發放快
樂正能量，讓大家一同享受『優質食品，美好生活』。」

OK 便利店市務及採購部總經理鄧佩珊小姐說﹕「OK 便利店貫徹『EFS』(Easy, Fast,Simple) 嘅品牌定位，致力令顧客生活更輕鬆。我哋深信於 OK 便利店及 OK Stamp IT 手機應用程式引入自由鳥多元化嘅產品及驚喜優惠，必能帶畀客戶更輕鬆自在嘅購物樂趣，彰顯品牌對顧客嘅承諾﹕『We make it easy, so you can take it easy』。」

自由鳥會繼續推出一連串獎賞及破格驚喜，大家記得密切留意自由鳥嘅 Facebook 同IG，以及《Birdie Mobile App》上嘅「最新情報」。

###

關於自由鳥

自由鳥衝破傳統電訊商框框，本地手機上網服務無合約、無行政費，首創數據互傳 P2P，上台同管理服務用手機 App 就搞掂晒；仲可以推薦朋友上台、儲「自由鳥印章」同埋玩「Birdie Friday」，勁賺著數同獎賞。

出外旅行公幹，有「自由鳥遨遊 SIM」在手一樣可以輕鬆出遊！本住「一張 SIM 卡陪你去一世旅行」概念，提供更有彈性嘅外遊數據服務。無論身處何地，用戶可以喺手機App 或者網上隨時購買外遊日費，即買即用、玩盡全球！

投入要自由、要好玩嘅生活態度，用自由鳥就係鬆 D！