BirdieMobile
How to Purchase
Newsroom
FAQ
About us
Privacy Policy
cs@birdie.com.hk【日韓台冬日航點推介】
【日韓台冬日航點推介】 想體驗三個跨地域旅遊景點，感受唔同國家地方嘅季節氣氛！自由鳥今期精選推介！冬天去日本睇藏王樹冰，好似走入冷冰雪奇緣咁；睇變身做文青，可以去台北茶花展2026欣賞超過300種茶花品種；唔想咁凍又鐘意刺激，地鐵直達走轉珠海玩越野飛車又得姐！即睇內容！ 一次過體驗冬季浪漫 — 日本藏王溫泉＋滑雪＋觀樹冰！ 港人近年越嚟越鍾意去日本滑雪，除咗刺激嘅雪場體驗，仲有一個必睇嘅冬季壯觀奇景，——日本藏王樹冰。去到藏王，第一樣必做嘅就係搭樹冰觀光纜車，由藏王溫泉站出發，纜車一路升上山頂，沿途可以慢慢欣賞壯麗嘅「雪怪森林」，近距離感受冰雪奇景。 雪花同冰晶凝結成壯麗「雪怪」森林，遠睇好似一隻隻雪怪，壯觀又神秘，一片白色森林夠哂震撼，無論係打卡、浸溫泉定係睇夜間燈光show，都可以感受獨特嘅冰雪浪漫氛圍。 除咗欣賞壯觀奇景，夜晚就唔好錯過 樹冰燈光show。五光十色嘅燈光照射落樹冰，令成片雪怪森林變得夢幻又浪漫。如果想更深入體驗，可以參加 樹冰幻想迴廊雪上車，坐上特製雪上車，穿梭喺巨大樹冰之間，好似置身奇幻世界咁，想趕上呢班雪上車，記得提早預約喇！ 當然，藏王本身亦係東北人氣滑雪場，粉雪質感一流，無論係滑雪定單板滑雪都夠哂刺激。玩完雪仲可以去 藏王溫泉浸浴，享受地道冬日浪漫～～ 交通： • JP周遊券：JR東日本鐵路周遊券：適合由東京或仙台出發 • 巴士預約：冬季部分巴士需提前預約，特別係仙台站直達藏王溫泉路線。 • 纜車運行狀況：天氣惡劣有可能會停駛，出發前記得要check清楚! • 套票優惠：巴士＋纜車套票都好抵玩 小貼士 • 最佳觀賞期：1 月下旬至 2 月中旬，樹冰最壯麗，夜間燈光秀亦集中於呢段時間。 • 保暖裝備：零下 10–15 度，必備羽絨、手套、雪靴。 • 行程建議：先安排藏王溫泉住宿，再安排滑雪＋樹冰觀賞。 • 夜間活動：如「樹冰幻想迴廊」雪上車行程，必須提早預約。 文青導賞 — 台北年度賞花 想吸收下文青氣息，可以去台北茶花展2026將於春季盛大登場，帶你走入花海感受自然美學同城市文化嘅花海世界，探索台北當地文化同時享受自然靚景，打造多層次花海體驗！花展唔單止係花卉展示，仲係一場融合藝術、文化同互動嘅旅遊盛事！ 今期重點推介台北茶花展，由1/16~1/25期間，展覽將會展出超過300種茶花品種，呈現台灣茶花園多年珍品，同時加入花藝裝置藝術等到場人士打吓。除咗賞花，旅客仲可以參與工作坊，例如絹印紅包袋體驗同盆景雕塑課程，又睇得又有手作仔可以帶番屋企～ 台北市亦提供全年賞花地圖，涵蓋市內各大公園與花園，包含玫瑰園、杜鵑園、櫻花步道等，方便可以依季節預早規劃自已嘅賞花行程。 即睇官方詳情：https://www.flowersfestival.taipei/ 地點：台北市花卉試驗中心 營業時間： 園區 08:00～17:00；室內展覽 09:00～16:00 提提你！台星馬印全速升級用量每日10GB使用限期至3月31日＊！數據卡台灣、新加坡馬來西亞，印尼四地通用，上網打卡睇片吃到飽！ ＊其後網速上限為512Kbps。 體驗速度與快感 — 珠海越野飛車 唔想飛咁遠，想近近哋去玩，又鐘意刺激、追求快感嘅你，嚟到珠海一定要試越野飛車！珠海超越越野車基地係大灣區最新嘅戶外熱點，佔地超過600萬平方呎，設有專業級賽道同多元活動。設計5歲以上就可以參與，喺正式開車之前仲會有專業教練會詳細講解，咁樣先可以享受刺激同安全並重嘅越野體驗。 除咗飛車，園區仲有CS水彈槍對戰、觀賞鷺鳥、小動物同摘水果等等活動，冒險同生態體驗兼備。場地仲有埋BBQ同露營設施，上晝玩越野飛車，下晝去水岸鷺園生態島摘水果同BBQ，玩足一日都無問題！ 距離港珠澳大橋口岸只需約15分鐘車程，交通方便，無論係親子、情侶定係朋友，都可以一齊享受速度與激情。 營業時間： 09 ~ 18：00（星期一至日全年無休） 地址：珠海市南屏鎮珠海大道水岸鷺園生態島 付款方式：支援AlipayHK／美團購票；現金只接受人民幣 ...
