3大竅門用盡自由鳥
[ 閱讀時間 4分鐘 ]
施主，請留步！
睇你個package，一眼就知你係個瀟灑不羈，唔鍾意受束縛，熱愛自由嘅浪子。你喺世間上尋尋覓覓，無非都係想搵個了解你、欣賞你嘅人。呢個人就喺你面前，無錯，就係我！
自由鳥知你心意，鍾意五時花六時變嘅你，俗世中其他上網Plan又豈是可以滿足得到你嘅池中物？想今個月用多啲數據，下個月又想慳啲使？
冇問題！I know that feel bro~
無合約制肘 知我咩料啦！
自由⿃話到明無合約、無⾏政費，啱晒你哋呢啲冇腳嘅雀仔。唔需要被合約綁死之餘，同傳統電訊商嘅最大分別，係自由鳥可以畀你每月轉換月費計畫。
只要喺每月賬單到期前至少2日，撳幾個掣就可以簡單轉Plan，即睇無合約月費計劃詳情。
就算每月用開6GB數據嘅你，下個月Netflix有新劇要追預計會用多數據，就轉去無限上網計劃即時解決問題。之後再轉返用原本計劃，自己喺App度搞，唔使打Hotline、搵門市，真心好方便。
同台免費數據互傳 有福齊齊享
選擇題：有好嘢收埋畀自己，定係大大聲講出嚟同人分享？
考驗一個人嘅人性，唔係喺佢最富有嘅時候去做，而係喺佢就潦倒嘅時候，係人係鬼一眼就睇得到(講笑咋)。
利用自由鳥嘅同台免費數據互傳P2P功能，發揮人性嘅光輝，分享數據幫佢哋渡過數據糧尾難關；預計到下個月可以從朋友收返條數（數據），咁預先轉返個低用量嘅月費計劃，咪魚與熊掌都俾你兼得：有返數據之餘，仲可以慳到月費！
短期用量都啱玩 輕鬆留電話號碼
離港但想留住電話號碼？無難度！
準備移民，就快離開香港？呢個時候如果俾人綁死咗合約，就好容易蝕晒㗎啦。想淨係短期用個電話號碼，或者純粹保留電話號碼？完全無合約嘅自由鳥就一定係你首選。
你可以即時轉做最低用量嘅月費計劃先，返香港或者有需要先升級計劃。Keep到電話號碼嘅同時，高用量低用量都係任你隨便揀。想點玩，都係由你話事！
留住你個電話號碼，先做到世界冠軍㗎嘛。
上一篇：其實… 自由鳥都有eSIM！
更多精彩文章：