g
This is Bumble B, a fresh theme for creative agencies, businesses & artists

auguststraße 245, 10117 berlin

office@bumblebee.com

Follow Us On:

月費計劃

1. 點樣申請自由鳥Mobile月費計劃呀?
只要下載Birdie Mobile App並喺app上面登記服務,就可以揀自己鍾意嘅電話號碼或者攜號轉台喇。

2. 有咩月費計劃揀呀?
我哋有兩類月費計劃:
a. 適合任何客戶嘅「基本計劃」,依家有4個計劃畀你揀:
i. 每月12GB 本地數據 + 「貓頭鷹時間」* 任用數據 + 無限通話分鐘
ii. 每月7GB 本地數據 + 「貓頭鷹時間」* 任用數據 + 無限通話分鐘
iii. 每月5GB 本地數據 + 3,000 通話分鐘
iv. 每月500MB 本地數據 + 1,000 通話分鐘
b. 專為11至25歲學生而設嘅「學生計劃」,全部有「貓頭鷹時間」* 任用數據 + 無限通話分鐘,依家有3個計劃畀你揀:
i. 每月15GB本地數據
ii. 每月9GB本地數據
iii. 每月6GB本地數據

* 詳情請參考「貓頭鷹時間

3. 月費計劃有冇合約?
月費計劃係按月(每月)收費,冇合約年期束縛!每月截數日過後會自動出新一期賬單,記住繳費繼續使用服務,有欠款嘅話會影響以後登記服務㗎!

提提你:如果你想由下期開始終止自由鳥服務,請喺截數日前(當日晚上10時前)喺Birdie Mobile App (App嘅左上方按Ξ > 設定 > 終止流動電話服務) 提出,服務終止日期以Birdie Mobile App顯示為準。
(例如: 截數日為25號,請喺25號晚上10時之前喺Birdie Mobile App提出)

唔好意思,電郵我哋嘅話係做唔到終止服務架!

4. 要唔要額外收隧道和牌照費或行政費?
冇額外隧道和牌照費或行政費。

5. 係咪一定要選擇月費計劃?就咁買流動數據得唔得?
本地流動通訊服務方面,我哋暫時只有月費計劃!

6. 本地數據速度有幾多Mbps?
每個月費計劃會有唔同嘅本地高速數據用量,要視乎你所揀嘅月費計劃,本地高速數據用量速度將唔高於21Mbps。當你嘅每月本地數據用量達到計劃數據用量嘅上限,你仍然可以繼續使用流動數據服務,但上網速度(上載及下載)將被調整至唔高於128Kbps。

7. 月費計劃是否支援VoLTE(Voice Over LTE)呀?
月費計劃支援本地VoLTE話音通話,記得要配合埋支援VoLTE嘅手機呀!

8. 月費計劃是否支援網絡共享 (Tethering) 呀?
我哋嘅月費計劃支援本地網絡共享(Tethering) ,但唔支援點對點傳輸應用程式(P2P)、FTP文件共享同埋網路錄影監控。

9. 月費計劃仲包啲乜服務?
月費計劃包括SMS功能、留言信箱、來電轉駁、來電顯示、來電待接及電話會議。

10. 喺邊度可以睇到我嘅本地數據同本地通話分鐘使用量?
你可以喺Birdie Mobile App裡面嘅「用量顯示器」 一次過睇晒。

11. 我剛剛啟動咗電話服務,但係App 嘅「用量顯示器」話我嘅「數據有限期」喺幾日後就到期,點解㗎?
放心!其實「用量顯示器」所顯示嘅「數據有限期」係代表你電話服務嘅 「每月截數日」。
而喺你啟動服務嘅第一日到第一個截數日,呢段時間嘅月費係豁免㗎!
即係呢段時間所有嘅本地數據同分鐘都可以免費使用。而你已預繳嘅第一期月費,會喺第一個截數日之後先開始計算!

12. 咁喺月費豁免期,我可唔可以使用「數據P2P」功能?
呢段期間你可以接收朋友畀你嘅數據,但唔可以將數據傳送畀朋友。

13. 自由鳥係用邊個流動網絡商?
自由鳥流動網絡係由 SmarTone (數碼通)支援。

學生月費計劃

1. 申請學生月費計劃有咩條件㗎?
a. 你係11至25歲(根據登記服務嘅日期計算,僅按月份和年份計算);
b. 你持有有效學生身份證明文件(包括本地或海外大學/大專、中學、小學),你必須提供學校名稱(適用於本地大學/大專及中學生),同埋上載學生身份證明文件嘅電子檔。

2.有咩學生月費計劃揀呀?
我哋有3個學生月費計劃畀你揀:
i. 每月15GB本地數據
ii. 每月9GB本地數據
iii. 每月6GB本地數據
以上計劃全部有「貓頭鷹時間」* 任用數據 + 無限通話分鐘。
* 詳情請參考「貓頭鷹時間

3.我係現有Birdie用戶,亦係11至25歲嘅學生,我係唔係要取消現有服務再重新上台,先可以登記學生計劃?
唔使。你只需登入自由鳥賬戶,撳入去「個人資料」再撳「改為學生身份」,然後提供學校名稱(適用於本地大學/大專及中學生),同埋上載學生身份證明文件嘅電子檔,成功提交資料後,你就可以更改選用學生計劃。詳情可以睇現有用戶更改計劃步驟

4. 完成登記學生月費計劃,係咪就可以一直用呢個計劃?
我哋嘅團隊會係你完成申請後驗證你嘅學生身份:
a. 如驗證成功,你喺App嘅「個人資料」版面會見到「學生身份」由「驗證中」𨍭為「已驗證」。咁你就可以一直用學生計劃到25歲喇。
b. 如我哋發現你嘅學生身份證明文件及/或學校信息無效、錯誤或不完整;或者發現你嘅年齡係26歲或以上,你將會喺下一個賬單開始日期開始自動更改為使用其他月費最接近嘅自由鳥月費計劃。你將獲電郵通知有關學生身份驗證失敗同自動更改計劃提示,你喺App嘅「個人資料」版面會見到「學生身份」由「驗證中」𨍭為「驗證失敗」。

5. 我用緊學生月費計劃,年滿26歲之後會點?
當你年滿26歲時(僅按月份和年份計算),我哋會向用緊學生計劃嘅你發出更改計劃提示電郵:你將會由下個賬單開始日期開始自動更改為使用其他月費最接近嘅自由鳥月費計劃,或者你可主動去App更改計劃。

學生月費計劃恒生銀行客戶優惠

1. 學生計劃嘅恒生銀行客戶優惠有乜?
指定恒生銀行客戶登記學生計劃,每月可享額外「亞洲12地」外遊數據日費:
a. 15GB學生計劃 – 每月2日「亞洲12地」外遊數據日費
b. 9GB學生計劃及6GB學生計劃 – 每月1日「亞洲12地」外遊數據日費

2.申請呢個恒生銀行客戶優惠有咩條件㗎?
a. 你係11至25歲同持有有效學生身份證明文件(詳情請按此);
b. 你係恒生Green Banking及MPOWER卡或大學/大專聯營信用卡嘅客戶,大學/大專聯營信用卡包括香港中文大學信用卡、香港城市大學信用卡、香港浸會大學信用卡、香港中文大學專業進修學院信用卡及香港恒生大學信用卡。

3. 點樣申請呢個恒生銀行客戶優惠?
[新登記自由鳥] 喺自由鳥網站click「登記上台」或喺Birdie Mobile App撳「申請服務」,然後跟住指示申請服務,同選擇「恒生客戶學生計劃」。去到付款頁面,喺「推薦碼/優惠碼」欄輸入HSGREEN (恒生Green Banking 及指定信用卡客戶) 或HSCCMPOW (只持有MPOWER卡客戶),記得要用恒生信用卡自動轉賬。詳情可以睇新用戶詳細步驟
[現有自由鳥學生計劃用戶] 你只需登入自由鳥賬戶,先更新付款方法並用指定恒生信用卡每月自動轉賬,跟住去「月光寶盒」,喺優惠碼欄輸入優惠碼HSGREEN (恒生Green Banking 及指定信用卡客戶) 或HSCCMPOW (只持有MPOWER卡客戶) 同按「兌換」,優惠將於下一個賬單開始日生效。詳情可以睇現有用戶設定步驟

4. 每月額外「亞洲12地」外遊數據日費幾時派發?有效期幾耐?
外遊數據日費會喺你每月交月費後7日內派發至你嘅賬戶,有效期為365日。

Visa卡客戶新登記服務優惠

1. 「Visa卡客戶新登記服務優惠」有乜獎賞?
優惠包括第1個月月費半價及額外5GB數據。提提你:額外5GB數據其實係第2、3、4個月每月使用Visa卡自動轉賬交月費嘅額外1GB數據,加埋信用卡自動轉賬額外2GB數據 (只限第2個月)嘅總和。

2. 點先可以獲得呢個優惠?
只要新登記我哋嘅HK$90 5GB計劃,然後用任何Visa卡自動轉賬交月費,就可以享有優惠。記得要喺付款頁面嘅優惠碼欄輸入Visatue ,先可以獲得優惠㗎。

3. 係咪只要入咗個優惠碼就保證我可以享有優惠?
呢個優惠名額有限,先到先得。當你喺優惠碼欄輸入優惠碼嘅時候,你會知道仲有冇優惠名額。
優惠共有12輪,優惠名額會喺每月首個星期二中午12點重設(第1輪除外,第1輪喺2019年12月10日開始)。每輪名額嘅重設日期請參閱條款及細則

4. 優惠係唔係只限新號碼上台?
唔係,攜號轉台或新號碼上台都可以享受呢個優惠。

5. 使用呢次優惠嘅同時,我可唔可入埋「齊齊加入鳥」嘅推薦碼?
無問題,你可以同時入埋「齊齊加入鳥」嘅推薦碼。

6. 額外數據獎賞會係幾時收到,我可唔可以中途唔用信用卡自動轉賬繳費?
獎賞將會喺你每月自動轉賬繳費後嘅七個工作天內發放。你必須繼續以Visa卡每月自動轉賬繳費。

7. 上台後可唔可以更改月費計劃?
可以。但如果你更改月費計劃,你會冇咗第2、3、4個月嘅額外數據,同之後都用唔返呢個優惠。

8. 我係現有Birdie用戶,可唔可以享受呢個優惠?
唔好意思,呢個優惠只限新客戶登記上台。

信銀國際信用卡新會員優惠

1. 「信銀國際信用卡新會員優惠」有乜獎賞?
優惠包括自由鳥 Mobile 5GB月費計劃6個月月費豁免。提提你:優惠只包括豁免月費6個月,並不包括加購數據和外遊數據日費等其他費用。

2. 點先可以獲得呢個優惠?
成功申請以下其中一張信銀國際信用卡,並於發卡後首3個月內(根據簽賬交易日期計算)憑信用卡累積合資格簽賬淨額滿HK$3,000或以上,就可以享有優惠。
• 信銀國際Motion信用卡
• 信銀國際中國國航雙幣信用卡
• 信銀國際CITICfirst 白金卡
• 信銀國際信用卡。

想知更多上述迎新優惠嘅詳情,請聯絡中信銀行(國際)信用卡客戶服務熱線查詢:2280 1288 週一至週六上午9:00 至 下午 9:00。

3. 點樣申請信銀國際信用卡?
你可以喺中信銀行(國際)嘅網站、客戶服務熱線或者分行申請呢幾張信用卡。有關申請信用卡詳情,請聯絡中信銀行(國際)信用卡客戶服務熱線查詢:2280 1288 週一至週六上午9:00 至 下午9:00。

4. 我早前已經申請信銀國際信用卡,點解仲未有批核結果?
想了解信用卡批核情況,又或者收唔到信用卡批核結果通知,請聯絡中信銀行(國際)信用卡客戶服務熱線查詢:2280 1288 週一至週六: 上午9:00 至 下午9:00 。

5. 我早前已經申請信銀國際信用卡,點解冇收到優惠碼?
如果收唔到信用卡批核結果通知或附有優惠碼嘅迎新禮品換領信,請聯絡中信銀行(國際)信用卡客戶服務熱線查詢:2280 1288 週一至週六: 上午9:00 至 下午9:00 。

6. 我啱啱收到優惠碼,我點樣兌換優惠?
[新登記自由鳥] 喺自由鳥網站click「登記上台」或喺Birdie Mobile App撳「申請服務」,然後跟住指示申請服務,選擇5GB計劃。去到付款頁面,喺「推薦碼/優惠碼」欄輸入換領信上嘅優惠碼,記得要用信銀國際信用卡自動轉賬。詳情可以睇新用戶詳細步驟

[現有自由鳥用戶] 你只需登入自由鳥賬戶,先更新付款方法並用信銀國際信用卡每月自動轉賬,跟住去「月光寶盒」,喺優惠碼欄輸入優惠碼同按「兌換」,再確認更改月費計劃至5GB月費計劃,優惠將於下一個賬單開始日生效。詳情可以睇現有用戶設定步驟

7. 我啱啱得到優惠碼,我幾時可以兌換優惠?
你可以喺2019年5月2日至2020年5月31日使用優惠碼兌換優惠。

8. 優惠係唔係只限新號碼上台?
唔係,攜號轉台或新號碼上台都可以享受呢個優惠。

9. 我想申請信銀國際信用卡,但我本身個台嘅合約未完,我最遲可以幾時申請張信用卡同得到優惠?
你必須喺2019年12月31日或之前成功申請信用卡並獲批核,先可以享用優惠。但你可以遲啲先用優惠碼上台:你只要喺2020年5月31日或之前使用優惠碼,仍然可以兌換優惠。

10. 我啱啱得到優惠碼,但我本身個台嘅合約未完,我最遲可以幾時用個優惠碼?
你只要喺2020年5月31日或之前使用優惠碼,仍然可以兌換優惠。

11. 6個月優惠期結束後,我嘅服務係咪會自動完結?
唔會。優惠期結束後,你將會自動繼續使用5GB 月費計劃,每月會被收取$90 月費。你最早可以喺優惠期結束前一個月轉用其他計劃。

12. 兌換優惠之後,可唔可以更改月費計劃?
可以。但如果喺6個月優惠期內更改月費計劃,你會冇咗個免月費優惠,同以後都用唔返呢個優惠。

13. 我係現有Birdie用戶,我係唔係要取消現有服務再重新上台,先可以享受優惠?
唔使。你只需登入自由鳥賬戶,先更新付款方法並用信銀國際信用卡每月自動轉賬,跟住去「月光寶盒」,喺優惠碼欄輸入優惠碼同按「兌換」,再確認更改月費計劃至5GB月費計劃,優惠將於下一個賬單開始日生效。詳情可以睇現有用戶設定步驟

提提你:6個月優惠期結束後,你將會自動繼續使用$90 5GB月費計劃,如果你而家用緊300MB或者15GB月費計劃,你之後就唔可以再登記返呢啲計劃㗎啦。

14. 優惠期間,點解會被收取費用?
優惠僅包括月費豁免6個月,其他費用如加購數據同外遊數據日費喺優惠期期間係會照常收費。

貓頭鷹時間

1. 咩叫「貓頭鷹時間」?
為切合喜愛夜瞓嘅你,我哋推出咗「貓頭鷹時間」,指定用戶可以喺每日上午01:00– 06:00任用本地數據,而唔會扣除當月本地數據用量。
提提你 :當月本地21Mbps數據用晒之後(數據P2P、追加數據、月月加碼數據及數據獎賞亦計算在內),你仍可以128kbps 速度繼續喺「貓頭鷹時間」使用數據。

2. 點樣可以喺「貓頭鷹時間」任用數據?
只要選用指定自由鳥Mobile月費計劃就免費送畀你!

3. 5GB 月費客戶點樣可以用到「貓頭鷹時間」?
唔好意思啊,「貓頭鷹時間」不設獨立申請 ! 覺得「正」嘅就改用其他指定月費計劃啦!

如何登記

1. 自由鳥 Mobile有冇門市?
我哋冇門市!因為只要下載Birdie Mobile App,就可以申請服務及睇到同管理自己嘅賬戶,一切掌握喺手中。令你少咗個落街嘅理由!

2. 我可以開幾多個電話號碼?
每個香港身份證號碼/護照號碼最多可以申請5個電話號碼;但每個電話號碼都需要以獨立電郵去申請 (唔可以同之前登記電郵一樣)。

3. 申請自由鳥Mobile 需要乜嘢文件?
只要有香港身份證/護照就得。

4. 申請自由鳥Mobile有冇年齡限制?
只要年滿11歲同埋有香港身份證/護照就可以申請。

5. 想用公司名稱申請自由鳥 Mobile?
唔好意思,我哋暫時唔接受以公司名義申請。

6. 申請自由鳥 Mobile需唔需要手續費?
當然唔需要啦!

7. 點解要上載我嘅身份證明文件嘅副本?
你上載嘅證明文件副本只係用作核實該號碼持有人嘅身份。

8. 點知道我嘅自由鳥 Mobile服務已經成功登記?
你會收到我哋嘅電郵,確定你已經登記服務。

9. 我可以點樣收到自由鳥Mobile SIM卡?
申請服務嘅時候,你可以揀「領取SIM卡方法」:
– 本地平郵
– Circle K 或 759阿信屋分店自取

10. 幾時可以收到SIM卡?
– 本地平郵: 我哋寄出SIM卡後會以電郵通知你,由登記日起計大約5個工作天內會寄到你登記嘅地址。
– Circle K 或 759阿信屋分店自取: 成功登記後你會收到電郵通知,憑住電郵內嘅QR碼即時可以領取,記住喺登記日起計7日內領取你嘅SIM卡同啟動服務呀。

11. 你哋張SIM卡可唔可以寄去香港以外嘅地方?
我哋暫時淨係提供本地郵遞服務。

12. 點解顯示唔到我輸入嘅地址?
如果冇顯示你嘅地址,請先移除「智能輸入」剔號,並以人手輸入正確地址

13. 點解唔可以輸入中文地址?
我哋系統只支援以英文輸入嘅地址。

14. 有邊啲流動裝置可以支援Birdie Mobile App?
iOS:所有使用 iOS 10.0 或以上版本嘅iPhone、iPad同埋iPod touch。
Android:所有支援Google Play Store並使用Android 4.4或以上版本嘅流動裝置。

新號碼上台 (教學短片)

1. 你哋有冇新號碼揀?
當然有!你仲可以揀幸運號碼。

2. 我可以要求開指定電話號碼嗎?
除非攜號轉台,否則只可以揀選Birdie Mobile App內所提供嘅電話號碼。

3. 點知道我嘅自由鳥 Mobile服務已經成功登記?
你會收到我哋嘅電郵,確定你已經登記服務。

4. 幾時可以收到SIM卡?
– 本地平郵: 我哋寄出SIM卡後會以電郵通知你,由登記日起計大約5個工作天內會寄到你登記嘅地址。
– Circle K 或 759阿信屋分店自取: 成功登記後你會收到電郵通知,憑住電郵內嘅QR碼即時可以領取,記住喺登記日起計7日內領取你嘅SIM卡同啟動服務呀。

5. 我申請左自由鳥Mobile嘅服務,但一直都未收到SIM卡,點算?
SIM卡一般5個工作天內會寄到你登記嘅地址,如果你5個工作天後都未收到SIM卡,請即聯絡我哋。

6. 如果登記自由鳥 Mobile嗰陣,未能確認我嘅上台申請,應該點做?
如果未能確認申請,Birdie Mobile App會自動彈出「聯絡我哋」版面,我哋會盡快幫你跟進㗎喇。

7. 我最遲可以幾時啟動服務㗎?
由成功申請服務嗰時開始計90日內,你都可以隨時啟動服務㗎!

攜號轉台(教學短片)

1. 對台合約未完/就嚟完,轉台生效日應該安排邊日先好?
建議選擇喺合約完結當日啟動轉台服務。例如︰合約到期日係5月1日,咁你應該選擇5月1日為攜號轉台日。

2. 我可唔可以/點樣轉自己個電話號碼嚟自由鳥 Mobile?
無論係儲值咭或月費用家,只要你係︰
a. 登記機主本人
b. 確定對台合約完結或即將完結
c. 在對台嘅電話號碼狀態係保持啟動(儲值卡用戶戶口內要有最少$1結餘)
都可以攜號轉過嚟自由鳥 Mobile,只要下載自由鳥 Mobile App,準備好你嘅香港身份證或者護照,就可以經App轉自己個電話號碼嚟自由鳥 Mobile。

3. 要唔要自己通知返個台去停服務?
唔使,只要下載Birdie Mobile App,就可以經App轉自己個電話號碼嚟自由鳥 Mobile,我哋會幫你通知你現有嘅服務供應商,將你嘅號碼轉過嚟同喺你指定嘅日子生效。

4. 攜號轉台嚟自由鳥 Mobile有冇額外收費/手續費?
當然冇啦!

5. 攜號轉台嚟自由鳥 Mobile需要乜嘢資料?
只要你係登記機主本人,只需要提供流動電話號碼、登記人全名同登記人嘅香港身份證號碼/護照號碼就得。

6. 我想轉台到自由鳥,要預返幾多日呀?
一般10個工作天就可以,如果需要提前轉台嘅日期,你可以喺收到SIM卡之後,電郵到hello@birdie.com.hk俾我哋跟進!
領取SIM卡方法:
1. Circle K 或 759阿信屋領取- 最快可以提早至5個工作天後轉台;或
2. 郵寄方式 – 最快可以提早至7-10個工作天後轉台

7. 儲值卡用戶可唔可以攜號轉台嚟自由鳥 Mobile?
梗係可以啦!只要你係卡主本人,而儲值卡戶口內最少要有$1結餘以保持啟動狀態,立即下載Birdie Mobile App,並提供SIM卡上的ICCID號碼,就可以經App轉自己個儲值卡電話號碼過嚟自由鳥Mobile㗎喇!

常見問題

8. 儲值卡攜號轉台需要乜嘢資料?
只需要提供流動電話號碼同儲值卡後面嘅ICCID號碼就得。

常見問題

9. 點解揀唔到過台時間?
可能因為你未成功驗證手機號碼,請喺Birdie Mobile App內按發送驗證碼,我哋會將一次性驗證碼以SMS傳送到你手機,輸入驗證碼後就可以揀過台時間。

10. 點樣知道我嘅攜號轉台有冇問題?
如果喺轉台嘅時候有任何問題,我哋會盡快聯絡你,請留意我哋嘅電郵通知。

11. 用公司名稱登記嘅流動電話號碼,可唔可以攜號轉台?
我哋暫時只接受以個人名義登記嘅流動電話號碼轉台。你可以先去你用緊嘅流動電話網絡商,辦理轉名手續。 成功轉名後, 就可以上Birdie Mobile App辦理轉台手續!

12.我個電話號碼登記機主唔係用我個名登記,可唔可以安排轉台到自由鳥?
你可以根據以下簡單嘅三個步驟辦理就可以啦!
第一步 :首先以自己「新機主」嘅資料,喺 Birdie Mobile App 辦理登記同完成轉台手續
第二步 :下載同填妥以下兩張表格, 以辦理更改登記機主手續
(1) 以「舊機主」嘅個人資料填妥「攜號轉台申請表格
(2) 填妥「更改帳戶持有人同意書」(即舊機主同意將流動電話號碼轉讓畀新機主)
(3) 「新+舊機主」嘅身份証副本
第三步 :將填好嘅兩張表格及身份証副本,連同登記訂單編號,以Mobile App裡面嘅「聯絡我哋」上載畀我哋
同事收到表格同處理好之後,就會用電郵回覆返你!

13. 已停台嘅流動電話號碼,可唔可以申請攜號轉台?
你可以先去你用緊嘅流動電話網絡商,辦理重開號碼手續,成功重開後就可以上Birdie Mobile App辦理轉台手續!

14. 申請攜號轉台嘅時候,收唔到一次性驗證碼,應該點做?
請你確定輸入嘅電話號碼係正確。確定號碼正確後,先等一分鐘,就可以再按驗證碼攞多次。

15. 點知道我嘅自由鳥 Mobile服務已經成功登記?
你會收到我哋嘅電郵,確定你已經登記服務。

16. 幾時可以收到SIM卡?
– 本地平郵: 我哋寄出SIM卡後會以電郵通知你,由登記日起計大約5個工作天內會寄到你登記嘅地址。
– Circle K 或 759阿信屋分店自取: 成功登記後你會收到電郵通知,憑住電郵內嘅QR碼即時可以領取,記住喺登記日起計7日內領取你嘅SIM卡同啟動服務呀。

17. 我申請左自由鳥Mobile嘅服務,但一直都未收到SIM卡,點算?
SIM卡一般5個工作天內會寄到你登記嘅地址,如果你5個工作天後都未收到SIM卡,請即聯絡我哋。

啟動服務

1. 收到SIM卡後,係唔係即刻用得㗎喇?
係未用得住㗎。收到SIM卡後,記得喺Birdie Mobile App嘅「啟動SIM卡」,跟住指示啟動SIM卡。

2. 收到SIM卡後,點樣先啟動到自由鳥Mobile服務?
首先你要下載Birdie Mobile App,再按「登入」。請先登入自由鳥賬戶,再按「啟動SIM卡」,跟住啲步驟做,你就可以即刻啟動自由鳥Mobile嘅服務啦!

服務將會喺你指定嘅日子啟動,到時記住將SIM卡插入手機同重新啟動手機,就可以享用自由鳥Mobile服務喇!

3. 啟動咗張SIM卡點解都用唔到嘅,應該點做啊?
你可以嘗試將SIM卡插入你嘅流動裝置,然後重新開機。
如果都唔得,請將流動裝置嘅APN改做「Internet」,用戶名稱同密碼留空,再重新開機,更改APN嘅程序如下︰
– Android:設定>流動網絡>存取點名稱(APN)
– iOS:設定>流動網絡>流動數據選項>流動數據網絡>APN

加購本地數據

a. 「追加數據」
1. 咩叫「追加數據」?
當你嘅21Mbps速度數據用晒之後, 如果想享用額外21Mbps速度數據嘅話, 就可以透過Birdie Mobile App「追加數據」 , 即買即用!

2.「追加數據」點計, 有幾多額外21Mbps速度數據?
3種選擇:1GB/ 5GB/ 10GB數據

3. 點樣「追加數據」?
只需要喺Birdie Mobile App裡面嘅「用量顯示器」,選擇「加購數據」,就可以按自己需要追加數據。

4. 今個月用剩咗啲「追加數據」,有冇得退錢或轉去下個月?
已經支付咗嘅「追加數據」費用係唔可以退還,數據亦唔可以轉去下個月!但你可以考慮轉贈用剩左嘅數據畀Birdie 好友呀!

b. 「月月加碼數據」
1. 咩喺「月月加碼數據」?
呢個服務係以每月收費,喺月頭預繳咗費用之後,嗰個月開始就可以享用額外21Mbps 速度數據喇!每個月都會自動加碼,咁就唔使逐個月慢慢追加啦!

2.「月月加碼數據」有幾多額外21Mbps速度數據?
3種選擇:1GB/ 5GB/ 10GB數據;成功登記後就喺下一個賬單月開始生效。

3. 點樣登記?
只需要喺Birdie Mobile App裡面嘅「用量顯示器」,選擇「加購數據」,再選擇「月月加碼數據」,就可以按自己需要月月加碼啦 !

4. 登記咗之後, 幾個月後唔再需要咁點算?
放心 ! 你可以喺截數日前,喺Birdie Mobile App更改或取消呢個服務,下個月截數日後就會開始生效㗎喇!

5. 今個月用剩咗啲加碼數據,有冇得退錢或轉去下個月?
已經預繳咗嘅「月月加碼數據」費用係唔可以退還,數據亦唔可以轉去下個月!但你可以考慮轉贈用剩左嘅數據畀Birdie 好友呀!

外遊數據日費

1. 點樣加購「外遊數據日費」?
喺Birdie Mobile App「用量顯示器」嘅「外遊數據日費」版面,選擇目的地同日數,付款後就會喺版面見到買咗嘅數據日費,記住喺有效日期前使用啦!

2. 「外遊數據日費」每日包咗幾多數據用量?
數據係任用嘅!當每日每個地區漫遊數據用量去到300MB (或指定數據用量),上網速度會被調整到唔高於128kbps,但仍然可以用漫遊數據。

3. 當每日高速漫遊數據用量用完,可以追加當日嘅數據嗎?
只要下載 Birdie Travel App ,加入你張SIM卡嘅ICCID號碼,當每日高速漫遊數據用量達到上限,就會有app push提示你追加即日數據!

4. 喺數據日費上點樣定義「一日」?
我哋將「一日」定義為喺漫遊國家(首都)或地區,當地時間由00:00至23:59 。

5. 買咗嘅數據日費,最遲要幾時使用?
請喺Birdie Mobile App嘅「用量顯示器」查閱數據日費嘅有效期,記得喺有效期前用數據日費呀!

6. 買咗幾個數據日費,係唔係要連續幾日用?
已經購買咗嘅數據日費,只會喺使用流動數據服務當日先會扣除,唔需要連續幾日用。

7. 同一個數據日費,可唔可以跨國家或者地區使用?
如果喺同一日內連接唔同國家或地區嘅流動網絡,每一個國家或地區會分別扣除一次數據日費。但如果同日到訪歐洲唔同國家或地區,最多只係扣除兩次日費。例如朝早喺荷蘭出發,中午到訪盧森堡,當日夜晩再去到比利時,即使全程有用漫遊數據,亦只係會扣除兩次日費。

8. 陸路/水路過境時,數據日費會點扣?
由於邊境訊號複雜,旅客陸路/水路過境時(例如: 港珠澳大橋),請不要立即開啟「數據漫遊」,避免引起不必要之漫遊用量以致扣除數據日費。

9. 點樣查閱我可以用嘅數據日費同購買紀錄?
你可以喺Birdie Mobile App嘅「用量顯示器」> 「外遊數據日費」查閱可用嘅數據日費。
另外,有關購買紀錄會喺下期賬單顯示。

10. 可以喺海外收發漫遊短訊嗎?
如果開啟咗「漫遊通話及IDD服務」嘅話,就可以喺海外收發漫遊短訊。

11. 「外遊數據日費」支援邊啲國家同地區?用邊個網絡商?
你可以去呢度睇到我哋支援嘅各個國家同地區,以及相對應嘅網絡商: https://r.brd.hk/zh_ns

12. 自由鳥 Mobile SIM 卡喺海外連接唔到數據服務。點算?
1. 請確定:
i. 手機或者流動裝置已經插入SIM卡
ii. 已經購買咗適用身處目的地嘅數據日費

2. 已啟動「流動數據網絡」+「數據漫遊」功能,無線網絡存取點 (APN) 已設定為「Internet」。
i. Android* 設定 > 無線與網絡 > 更多 > 流動網絡 > 接入點名稱 (APN)
ii. iOS 設定 > 流動網絡 > 流動數據選項> 流動數據網絡 > (APN)
*個別Android手機或平版電腦設定會有所不同,請向手機生產商查詢3

3. 如果仍然未連接到網絡,請嘗試關閉手機電源,重新開機。

13. 自由鳥 Mobile SIM 除咗會自動連接當地網絡, 我可以揀其他網絡嗎?
自由鳥Mobile SIM會自動連接當地網絡,各地支援網絡商列表:https://r.brd.hk/zh_ns
如該地區支援多於1個網絡商,你亦可以透過手動設定網絡,揀選其他合適嘅網絡。
如果變換設定後未能連接網絡,請嘗試關閉手機電源,重新開機。

14. 自由鳥 Mobile SIM唔支援邊啲數據服務?
SIM 卡支援網絡共享(Tethering)或 插入WiFi蛋內分享數據。但唔支援點對點傳輸應用程式 (P2P)、FTP文件共享同埋網路錄影監控。

漫遊通話

1. 我離開香港期間需要用自由鳥個號碼打出 / 接收電話,可以點做?
你要先啟動「漫遊通話及IDD」服務,就可以打出同接收電話,請按此了解啟動步驟。
你可以喺當地打出當地電話。如要打電話返香港或其他國家,你可以揀IDD國際長途電話或*131*回港Call。
提提你:你身處嘅地區有漫遊覆蓋先可以使用漫遊通話及IDD服務。

2.點樣啟動「漫遊通話及IDD」服務?
你可以喺Birdie Mobile App > 「用量顯示器」 > 「漫遊通話及IDD」 啟用「漫遊通話及IDD服務」,並完成以下步驟:
– 設定信用卡自動轉賬 (如未),作日後繳費
– 繳付$500按金 (可選用信用卡 / Apple Pay 繳付)

3. 點解啟用漫遊通話要畀$500服務按金?
因為自由鳥服務係無合約嘅,所以需要收取按金方先可以提供漫遊通話服務。

4. 漫遊通話服務嘅收費係點?
漫遊通話服務收費: 按此

5. 收咗嘅按金會幾時退返?
喺你終止自由鳥服務計劃之後,我哋會扣除戶口內嘅結欠(如有)之後將按金退返入你嘅戶口。。

6. 我啱啱完成啟動「漫遊通話及IDD」服務,點解用唔到漫遊通話?
唔好意思,「漫遊通話及IDD」服務會喺第一個賬單日之後接受登記。

7. 漫遊通話服務支援咩國家/地區?
你可以去呢度睇到服務支援嘅國家/地區同相關收費:按此

8. 我啟用咗漫遊通話服務,手機要點設定先可以用到呢?
去到目的地之後,手機就會自動連接當地網絡。
如果未連接到網絡,可以嘗試關閉手機電源再重新開機,以更新網絡。

9. 點解身處海外嗰陣我設定唔到來電轉駁,打俾我嘅朋友又去唔到留言信箱?
如果冇預先啟用我哋嘅漫遊通話及IDD服務,當你身處海外,來電轉駁同留言信箱都會暫停。

10. *131*回港Call服務係咩嚟?
*131*回港Call令你可以用優惠價,喺多個漫遊國家打電話返香港或其他國家,只需要喺手機上輸入一個指令,系統就會打畀你,兼幫你接駁到你指定嘅香港電話號碼或其他國家嘅電話號碼,同對方通話。
方法如下:
致電回港:
常見問題
致電其他國家或地區:
常見問題

提提你,收費係由你接聽系統回撥來電開始計算,包括網絡連接同電話響鈴時間,即使對方冇接聽電話亦要收費。現時個別漫遊目的地嘅網絡仲未能夠支援呢項服務。

11. 喺外遊嘅時候,來電者可唔可以透過留言信箱服務留言?
已啟用漫遊話服務:如果你身處我哋漫遊服務支援嘅國家或地區,而手機又喺不能接通、無人接聽或線路繁忙嘅狀態,來電者就可以透過留言信箱服務留言。
未啟用漫遊話服務:來電者就會聽到「未能接通」嘅話音提示。

12. 漫遊嘅時候,可以點樣聽返留言信箱內嘅口訊?
如果已經啟用漫遊話音服務嘅話,你可以用手機透過*131*回港Call服務,按常見問題 ,就可以收聽留言口訊。通話費將會由成功駁到留言信箱時開始,以*131*回港Call收費計算。

13. 點解上一個月嘅漫遊通話費用,相隔幾個月先喺月結單中顯示?
由於客戶嘅漫遊通話記錄係由當地嘅漫遊服務商提供畀我哋,所以通話費用一般需要大約一至兩個月時間先會顯示喺客戶月結單中。

14. 我啟用咗漫遊通話服務,但成日喺新界鄰近邊境地區接收到大陸嘅漫遊信號,點算?
你可以關閉中國漫遊功能:請喺手機按常見問題
如要開啟中國漫遊功能:請喺手機按常見問題

IDD服務

1. 我需要用自由鳥個號碼打電話去海外,可以點做?
你要先啟動「漫遊通話及IDD」服務,就可以打IDD國際長途電話,請按此了解啟動步驟。

2. 點樣啟動「漫遊通話及IDD」服務?
你可以喺Birdie Mobile App > 「用量顯示器」 > 「漫遊通話及IDD」 啟用「漫遊通話及IDD服務」,並完成以下步驟:
– 設定信用卡自動轉賬 (如未),作日後繳費
– 繳付$500按金 (可選用信用卡 / Apple Pay 繳付)

3. 點解啟用IDD要畀$500服務按金?
因為自由鳥服務係無合約嘅,所以需要收取按金方先可以提供漫遊通話服務。

4. IDD服務嘅收費係點?
IDD服務收費: 按此

5. 收咗嘅按金會幾時退返?
喺你終止自由鳥服務計劃之後,我哋會扣除戶口內嘅結欠(如有)之後將按金退返入你嘅戶口。。

6. 我啱啱完成啟動「漫遊通話及IDD」服務,點解用唔到IDD?
唔好意思,「漫遊通話及IDD」服務會喺第一個賬單日之後接受登記。

7. 我啟用咗IDD服務,點樣先可以用手機由香港打出國際長途電話?
只須按常見問題常見問題,再輸入常見問題就得。

8. 我啟用咗IDD服務,假如打出IDD後對方無人接聽,我會唔會被收取費用?
當對方接聽後先會開始收費;如果電話接通後但無人接聽,你都唔會被收取費用。但係,如果對方將電話轉駁到任何話音答錄系統,令你嘅來電被接駁到自動話音廣播,我哋就會向你收取費用。

9. 我啟用咗IDD服務,由香港打到海外嘅國際長途電話,如果用流動電話打出,當中會涉及咩費用?
費用會包括致電當地嘅國際長途收費,同埋流動電話服務嘅本地通話收費。IDD收費計算方法用每6秒做一個單位。

額外本地通話分鐘、短訊及其他

1. 用晒啲本地通話分鐘咁點算啊?
額外本地通話分鐘收費為每分鐘HK$0.3。(通話分鐘收費的計算方法以每分鐘為單位,不足一分鐘亦作一分鐘計算。)

2. 本地跨網短訊服務收費?
每個本地跨網短訊為HK$0.5; 每個短訊以160個英文字母或70個中文字為上限。

3. 國際短訊服務收費係幾多?
發送每個國際短訊(香港至海外)收費為HK$2。

4. 漫遊短訊服務收費係幾多?
發送至海外號碼: 每個短訊收費為HK$2 + 漫遊費用。
發送至香港網內號碼: 每個短訊收費為漫遊費用。
發送至香港網外號碼: 每個短訊收費為HK$0.5 + 漫遊費用。

漫遊短訊費用因地區及當地網絡供應商而異,如有需要你可以透過 hello@birdie.com.hk 查詢。

5. 發放本地MMS收幾錢?
每個本地MMS按kb收費; 0-30 KB – 每個為HK$1.5 ; 31-100 KB- 每個為HK$3

6. 自由鳥支援VoLTE Video Call嗎?收費係點?
我哋支援本地 VoLTE Video Call。本地網內Video Call收費打出打入都係 HK$1/ 分鐘。網外打出收費為HK $ 2.5/ 分鐘,接聽收費為HK $ 1.5/ 分鐘。

數據P2P

1. 咩嘢係「數據P2P」?
可以登入Birdie Mobile App嘅「數據P2P」,將數據傳送畀其他自由鳥Mobile用戶。

2. 係咪可以將數據傳畀任何人?
只可以將數據傳送畀其他自由鳥Mobile用戶。

3. 要傳數據畀朋友有咩條件同限制?
轉移數據後你嘅剩餘數據用量必須有1GB或以上。仲有,每次轉移數據畀親友,必須以0.5GB為單位。
喺你嘅賬單截數日22:00至翌日04:00,你都唔能夠使用數據P2P功能。
提提你:喺月費豁免期間,你可以接收朋友畀你嘅數據,但唔可以將數據傳送畀朋友。

4. 我嘅Birdie朋友會幾時收到我畀佢嘅數據?
你嘅朋友會即時收到㗎!

5. 點知朋友幾時畀咗數據我呢?
我哋會有app push 提示,打開app裡面最下方右下角個信封亦都可以睇到 !

6. 經數據P2P 收到嘅額外數據可以保留幾耐?
用數據P2P 收返嚟嘅額外數據,必須喺嚟緊嘅賬單結算日前使用。

7. 呢個功能係咪免費?
當然係免費啦!隨便用,隨便玩。

齊齊加入鳥

1. 咩嘢係「齊齊加入鳥」?
你介紹親朋好友用自由鳥Mobile嘅服務(HK$90或以上月費計劃)又符合相關條件,就可以享有HK$100現金獎賞,被推薦嘅親朋好友亦可享有額外4GB本地數據。

2. 喺邊度可以得到推薦人嘅推薦碼?
登入Birdie Mobile App後,按推薦朋友常見問題就可以搵到。

3. 當成功推薦朋友,我同朋友將會獲得乜嘢推薦獎賞?
i.「推薦人」:合共HK$100獎賞,會分兩期每期各HK$50發放到你嘅自由鳥Mobile戶口。被推薦人須選用HK$90或以上月費計劃,獎賞會喺被推薦人繳付有關月費計劃嘅第二期同第四期賬單後嘅7個工作天,發放畀推薦人。

ii.「被推薦人」:合共4GB 額外數據,分兩期每期2GB發放。被推薦人須選用HK$90或以上月費計劃,於繳付有關月費計劃嘅第二期同第四期賬單後嘅1個工作天,就會收到額外數據。

4. 要成功獲得推薦獎賞,要符合乜嘢條件?
i. 「推薦人」年齡係 16 歲以下,都唔會獲得獎賞。

ii.「推薦人」獎賞:「推薦人」同「被推薦人」需要同時連續4個月使用自由鳥嘅流動通訊服務同埋繳付月費,先會收到獎賞。

iii. 「被推薦人」獎賞:「被推薦人」需要連續4個月使用自由鳥嘅流動通訊服務同埋繳付月費,先會收到獎賞。

iv.「推薦人」及「被推薦人」獎賞:「被推薦人」需要使用HK$90 或以上月費計劃,先會獲取獎賞。而「推薦人」必需使用HK$90 或以上月費計劃方可提取現金獎賞。

5. 「推薦人」獲得現金獎賞嘅次數有冇限制?
當然冇限制啦!歡迎你推薦我哋嘅服務畀你所有嘅親朋好友。

6. 點樣推薦朋友?
可以登入Birdie Mobile App,將「推薦朋友」頁內屬於你嘅推薦碼分享給好友。好友只需喺申請服務時填寫個推薦碼就得。

7. 獎賞會唔會因為過期而唔能夠用嗎?
請喺三個月內領取獎賞,否則有關獎賞將被取消而不作另行通知。如果你喺任何情況下終止服務,我哋都會取消所有獎賞,所以最好盡早兌換獎賞喇!

8. 獎賞會用乜嘢形式呢?
你可以將你嘅推薦人獎賞兌換現金,我哋收到要求之後大概四星期內會將款項存入你指定嘅銀行戶口。

自由鳥印章

1. 已於2018年12月1日或之前登記服務繳付嘅首月月費,而服務於2018年12月1日或之後啟動,可獲自由鳥印章嗎?
有關首月月費會於2018年12月份發出嘅賬單內顯示,並獲得首個自由鳥印章。

2. 我剛於2018年12月1日繳付上月結欠,點解會仲未有自由鳥印章?
自由鳥印章只適用於成功繳付2018年12月份或之後發出嘅月費賬單,而你剛繳付嘅逾期費用相關賬單已於上月發出,故未有自由鳥印章。

3. 自由鳥印章嘅獎賞如何兌換?
所獲贈嘅獎賞將會自動送到「月光寶盒」,個別獎賞嘅使用詳情及期限請參閱「月光寶盒」。

月光寶盒

1. 咩嘢係「月光寶盒」?
自由鳥客戶可以喺「月光寶盒」查閱獎賞同優惠,「自由鳥印章」紀錄同兌換優惠碼。

2. 「月光寶盒」嗰四格係乜?有乜用?
有四大獎賞類別包括「免費數據獎賞」、「月費優惠」、「現金獎賞」同埋「免費外遊日費」,你可以兌換獎賞,同查閱獎賞使用紀錄。
i. 免費數據獎賞 – 選擇並確定使用數據獎賞後,數據會直接加入到你當月嘅用量
ii. 月費優惠 –選擇並確定使用優惠劵後,月費折扣會喺下期賬單使用
iii. 現金獎賞 –填妥銀行資料就可以提取你自由鳥賬戶嘅現金獎賞
iv. 免費外遊日費– 查閱外遊日費獎賞紀錄

3. 我有數據獎賞喺「月光寶盒」,點用?
1. 撳「免費數據獎賞」
2. 選擇你想用嘅數據獎賞
3. 撳「立即使用」
4. 數據就會直接加入到你當月嘅用量

4. 我有月費優惠喺「月光寶盒」,點用?
1. 撳「月費優惠」
2. 選擇你想用嘅優惠劵
3. 撳「立即使用」
4. 月費折扣會喺下期賬單中使用

5. 咩嘢係「自由鳥印章」?
自由鳥客戶只要連續使用我哋嘅服務,就可以喺每次成功繳付月費後獲得一個印章,儲齊指定數目就可以獲得獎賞。所獲贈嘅獎賞將會自動送到「月光寶盒」。
提提你:「自由鳥印章」只適用於月費$90或以上嘅客戶。

6. 點樣兌換優惠碼?
只要喺優惠碼欄輸入優惠碼就可以兌換獎賞,我哋會不時推出優惠,記得密切留意。

7. 獎賞有冇有效期?
個別獎賞嘅使用詳情及期限請參閱「月光寶盒」。如果你終止自由鳥服務,所有獎賞亦會終止而不作任何形式嘅退還。

自由星期五

1. 咩嘢係「自由星期五」?
「自由星期五」係自由鳥客戶專享嘅活動。指定月費計劃客戶有機會喺星期五免費拎到特定禮物,或獲得折扣優惠。

2. 我點先拎到「自由星期五」嘅禮物或折扣優惠?
指定月費計劃客戶喺指定日子同時間登入App就可以喺「最新情報」>「自由星期五」搶禮物,記得留意App嘅「最新情報」同 Facebook 專頁嘅公佈。禮物數量有限,先到先得,送完即止。

3. 搶到禮物,點樣換領?
請參閱個別「自由星期五」嘅條款及細則了解換領詳情,你必須喺活動日期內進行換領。

建立及管理賬戶

1. 點樣建立自由鳥賬戶?
第一步 :輸入你嘅電郵地址,呢個電郵地址會用嚟登入賬戶同作通訊聯絡
第二步 :選擇個安全密碼,最少由8個英文字母同數字組成
第三步 :驗證電郵將會發送到您嘅電郵地址, 點擊鏈結嚟驗證您嘅電郵地址就可以㗎啦!

2. 成功建立自由鳥賬戶之後,我可以用咩方法登入?
你入返登記時嘅電郵地址同密碼就可以㗎啦!除此之外,iOS用戶仲可以用Touch ID/ Face ID更加快捷咁登入自由鳥Mobile App。

3. 我要點設定先可以用Touch ID / Face ID登入自由鳥Mobile App?
i. 請先喺手機設定Touch ID / Face ID:
Touch ID:iPhone設定> Touch ID與密碼
Face ID: iPhone設定> Birdie Mobile> 啟用Face ID

ii. 然後喺自由鳥 Mobile App嘅「☰」>「設定」>「密碼/Touch ID/Face ID」開啟Touch ID/ Face ID登入功能

4. 點樣關閉Touch ID/ Face ID登入功能?
你隨時可以喺自由鳥 Mobile App嘅「☰」>「設定」>「密碼/Touch ID/Face ID」關閉Touch ID/ Face ID登入功能。

5. 我係Android用戶,而家部智能電話都有指紋驗證功能。請問可唔可以用指紋登入自由鳥Mobile App?
唔好意思,我哋暫時剩係支援iOS用戶透過Touch ID/ Face ID登入自由鳥Mobile App。

6. 點樣可以更改個人資料?
可以喺自由鳥Mobile App裡面嘅 「設定」>「個人資料」更改。

7. 唔記得用戶名稱同密碼要點樣重新設定?
可以喺自由鳥Mobile App裡面嘅 「忘記密碼」或 「設定」>「更改密碼」辦理。

8. 點樣可以更改登入用嘅電郵?
可以喺自由鳥Mobile App裡面嘅 「設定」>「個人資料」更改你登入用嘅電郵。

付款方法

1. 我可以點俾錢呀?
只須登入Birdie Mobile App > 「賬單」,揀以下嘅付款方法就可以畀月費:
– VISA/ MasterCard 信用卡
– Apple Pay (VISA/ MasterCard)
– 八達通O! ePay
– WeChat Pay HK
– AlipayHK
– Google Pay (VISA/ MasterCard)
如果冇信用卡,可以用Tap & Go或其他預付卡,或第三者嘅信用卡付款都可以!

2. 我想申請喺自由鳥Mobile用信用卡自動轉賬,可以點樣做?
喺Birdie Mobile App裡面嘅「設定」>「我嘅付款方法」,新增一張信用卡並且輸入資料就可以辦理。為確保信用卡仍然有效,我哋將會喺以上信用卡收取HK$1。有關交易會即時被發卡銀行取消,而且不會於月結單中收取。
*我哋暫時唔支援以O! ePay Mastercard 作信用卡自動轉賬;你可以選擇其他信用卡作每月自動轉賬。

3. 點樣取消信用卡自動轉賬?
喺Birdie Mobile App裡面嘅「設定」>「我嘅付款方法」,選擇「移除信用卡」就可以辦理。
提提你,我哋大概需要3-5 個工作天處理取消信用卡自動轉賬,並於完成處理嘅下一個截數日生效。

4. 信用卡自動轉賬幾時會扣數?
我哋會喺月結單發出後第3至7個工作天內扣數,時間長短要視乎期間有冇公眾假期。

5. 啱啱經八達通App繳交賬單費用,繳費記錄係唔係即時會喺Birdie Mobile App顯示?
係呀! 成功經八達通App繳交費用,可以即時喺Birdie Mobile App > 「賬單」內顯示 。

6. 點樣申請八達通嘅「好易畀」(O! ePay)?點樣增值?有冇增值限額?
可以去返八達通App或者網站參考返!
https://www.octopus.com.hk/tc/consumer/mobile-payment/oepay/apply

https://www.octopus.com.hk/tc/consumer/customer-service/faq/octopus-online-services/octopus-online-payment-service.html

7. 點樣經八達通App繳交費用?
成功登記八達通付款功能之後,去「商戶」揀返自由鳥 > 服務計劃客戶繳費,輸入自由鳥流動電話號碼後,會收到附有最新自由鳥賬戶結餘嘅短訊,輸入繳費金額就可以完成付款程序。提提你,繳費金額必須同短訊內嘅金額相同,先可以成功繳費;另外,八達通戶口內必須要有足夠結餘呀!

8. 經八達通App繳交費用有冇額外收費或手續費?
當然冇啦!只要你成功喺八達通App登記付款服務,就可以經八達通App繳交Birdie賬單。

9. 點樣經WeChat Pay HK 繳交費用?
首先登入WeChat Pay HK 嘅「我的設定」>「錢包」>「電訊繳費增值」>「賬單繳費」>「電訊商」揀「自由鳥」> *輸入自由鳥流動電話號碼 > 自動顯示繳費金額 > 輸入WeChat Pay HK 密碼就可以完成付款程序。
*首次登記「自由鳥」賬戶會收到一次性驗證碼短訊以作「登記新賬戶」

10. 點樣經AlipayHK繳交費用?
(i) Birdie Mobile App 付款方法 (需安裝AlipayHK App):揀選「AlipayHK」後將直接開啟你嘅AlipayHK App > 於AlipayHK App 付款頁面完成付款程序
(ii)自由鳥Mobile 網站付款方法 (不支援Internet Explorer):揀選「AlipayHK」後會顯示付款 QR Code > 進入AlipayHK App,並按左上角嘅「掃一掃」QR Code > 於AlipayHK App完成付款程序

11. 點解喺 WeChat Pay HK 同埋 AlipayHK 嘅「電訊商」搵唔到自由鳥?
我哋只支援香港版嘅 WeChat Pay HK 同埋 AlipayHK 支付,請將錢包地區設定為香港。

12. 點解用WeChat Pay HK / AlipayHK 交唔到逾期款項?
WeChat Pay HK / AlipayHK 登記新賬戶須要以短訊接收一次性驗證碼,方可繳交費用;而因欠費而停台嘅自由鳥賬戶暫時未能接收短訊。如從未喺WeChat Pay HK / AlipayHK 登記有關自由鳥賬戶,則未能繳付逾期款項;你可選擇其他方法繳交費用,例如用信用卡、Apple Pay或八達通O! ePay。

管理電話服務

1. 留言信箱可以容納幾多個口訊?
留言信箱可以容納10個口訊,每個最長60秒。

2. 留言信箱口訊可以保留幾耐?
每個口訊可以保留3日。

3. 點樣重新設定留言信箱密碼?
已啟動「免除輸入密碼」功能 – 只需要喺手機打「 138」留言信箱系統,就可以重新設定留言信箱密碼。
已關閉「免除輸入密碼」功能 – 請電郵至 hello@birdie.com.hk 聯絡我哋安排重新設定留言信箱密碼。

4. 點樣可以錄低個人歡迎辭?
只需要喺手機打「 138 」留言信箱系統,就可以親自錄製歡迎詞 。

5. 點樣設定來電轉駁?
所有來電轉駁 : [啟動] **21*電話號碼# 打出 ; [取消] ##21# 打出
通話中來電轉駁 : [啟動] **67*電話號碼# 打出 ; [取消] ##67# 打出
無人接聽自動轉駁 : [啟動] **61*電話號碼# 打出 ; [取消] ##61# 打出
未能接通來電轉駁 : [啟動] **62*電話號碼# 打出 ; [取消] ##62# 打出
取消所有轉駁功能 : [啟動] ##002# 打出
來電待接 : [啟動]*43# 打出;[取消] #43# 打出

遺失SIM卡、壞卡、更換卡及索取SIM PIN

1. 點樣報失SIM 卡?
立即喺Birdie Mobile App裡面嘅「設定」按「SIM卡管理」,揀選「報失/更換SIM卡」就可以辦理。

2. 點樣更換損壞咗嘅SIM 卡?
喺Birdie Mobile App裡面嘅「設定」按「SIM卡管理」,揀選「報失/更換SIM卡」就可以辦理。

3. 更換SIM 卡幾錢?
補發SIM卡費用為$50,收取咗嘅報失/更換SIM卡費用會喺下期賬單退返畀你。

4. 仲未收到SIM卡,可以點做?
如果喺完成登記服務並選用「平郵服務」7天後仍然未收到SIM卡,請立即喺Birdie Mobile App裡面嘅「設定」按「SIM卡管理」,揀選「報失/更換SIM卡」,我哋會盡快將新卡交到你手上。

5. 報失SIM卡後,點樣領取?
我哋會將張新卡用「平郵服務」寄畀你。你亦可以揀喺指定OK便利店或全線759阿信屋拎張新卡。

6. SIM卡損壞咗要更換,點樣領取新SIM卡?
我哋會將張新卡用「平郵服務」寄畀你 。你亦可以揀喺指定OK便利店或全線759阿信屋拎張新卡。

7. 我嘅SIM卡會喺幾時寄出?
我哋會喺 3-5個工作天內,將SIM卡寄到指定地址。

8. 我想為我嘅SIM卡設定SIM PIN (個人識別號碼),應該點做?
當你首次啟用SIM PIN功能,你要先輸入自由鳥嘅預設SIM PIN密碼1234,之後你可以更改為自設密碼。

9. 我嘅手機被鎖,請問PUK碼係乜?
PUK 碼係指你嘅電話SIM卡因SIM PIN密碼輸入錯誤鎖卡時,所需要輸入嘅一組解鎖密碼。
你可以喺Birdie Mobile App嘅「設定」>「SIM卡管理」>「索取SIM PIN / PUK碼」直接索取PUK碼。你要輸入你登記服務嘅證件號碼,驗證完成後,你就會見到你嘅PUK碼。

暫停/終止流動電話服務

暫停流動電話服務:
1. 我想暫停我個流動電話服務,可以點樣做?
喺Birdie Mobile App裡面嘅「設定」> SIM卡管理 > 暫停流動電話服務,按「開啟」就可以辦理到。
提提你:暫停服務期間,你需要繼續繳付月費以保留賬戶。

例子:例如你唔見咗張SIM,可以揀選「暫停流動電話服務」,以避免你嘅流動電話號碼被人誤用而收到震撼賬單。

終止流動電話服務:
1.我想完全終止我個流動電話服務,唔再交錢,可以點樣做?
喺Birdie Mobile App裡面嘅「設定」> 終止流動電話服務,確定終止服務就可以辦理到,同埋我哋係唔接受以電郵通知終止服務㗎!
提提你:如果你想由下期開始終止自由鳥服務,請喺截數日前(當日晚上10時前)喺Birdie Mobile App (App嘅左上方按Ξ > 設定 > 終止流動電話服務) 提出,服務終止日期以Birdie Mobile App顯示為準。
(例: 截數日為25號,請喺25號晚上10時之前喺Birdie Mobile App提出)

請注意,當服務終止後 :

所有以任何形式贈送或轉移嘅數據、獎賞、積分,或買咗嘅數據,都會被取消而唔會有任何形式嘅退還。
如賬戶內有漫遊數據日費,你可以按相關日費到期日前繼續使用,或加購日費。
電話號碼將會分配畀其他客戶使用以及唔可以被攜號轉台同重新使用。
2. 我想攜號轉台到其他流動電話商,可以點樣做?
我哋好抱歉你選擇離開自由鳥 Mobile。

如果你想攜號轉台到其他流動電話商,請留意以下嘅程序:
i. 首先,唔好喺Birdie Mobile App上面主動要求暫停流動電話服務;
ii. 你可以到你想轉去嘅流動電話商,辦理攜號轉台手續;
iii. 請向相關流動電話商提供返你想轉台嘅日期, 同埋你喺自由鳥Mobile登記時所用嘅身分證號碼同埋身分證全名。

重新接駁服務

1. 點樣重新接駁我個流動電話服務?
喺Birdie Mobile App「設定」裡面嘅「SIM卡管理」,揀選「即刻接駁返自由鳥服務」> 按指示辦理。