常見問題

1. 點樣登記自由鳥月費計劃呀？
只要喺自由鳥網站撳「登記上台」或下載Birdie Mobile App並喺app上面登記服務，就可以揀自己鍾意嘅電話號碼或者攜號轉台喇。

2. 有咩月費計劃揀呀？
我哋有兩類月費計劃：
a. 適合任何客戶嘅「基本計劃」，按此
b. 專為11至25歲學生而設嘅「學生計劃」，按此

3. 月費計劃有冇合約？
月費計劃係按月（每月）收費，冇合約年期束縛！每月截數日過後會自動出新一期賬單，記住繳費繼續使用服務，有欠款嘅話會影響以後登記服務㗎！

📌提提你：如果你想由下期開始終止自由鳥服務，請喺截數日22:00前或賬單開始日04:00後喺Birdie Mobile App（App嘅左上方按Ξ > 設定 > 終止流動電話服務）提出，服務終止日期以Birdie Mobile App顯示為準。
（例：截數日為25號，請喺25號22:00之前喺Birdie Mobile App提出）
唔好意思，電郵我哋嘅話係做唔到終止服務架！

4. 要唔要額外收隧道和牌照費或行政費？
冇額外隧道和牌照費或行政費。

5. 係咪一定要選擇月費計劃？就咁買流動數據得唔得？
本地流動通訊服務方面，我哋暫時只有月費計劃！

6. 本地數據速度有幾多 Mbps？
• 視乎你所揀嘅月費計劃而定，本地高速數據速度將唔高於 700Mbps 。​
• 當你嘅每月本地數據用量達到計劃數據用量嘅上限，你仍然可以繼續使用流動數據服務，但上網速度（上載及下載）將被調整至唔高於 2Mbps。​
• 如果你揀嘅係無限數據月費計劃，當你嘅每月本地數據用量達到計劃數據用量嘅上限，你可以繼續以不高於 21Mbps 速度無限數據任用。​
• 如果你揀嘅係 $50/$70 月費計劃，當你嘅每月本地數據用量達到計劃數據用量嘅上限，你可以繼續以不高於128kbps速度無限數據任用。​
• 詳情請參閱你申請服務時已同意的服務登記確認及 Birdie Mobile App 「我的計劃」。

7. 免費升級去4.5G全速後，即係速度有幾多？
全速計劃最高下載速度高達700Mbps，當配合支援3CC CA / 4CC CA的手機，一般下載速度為 250-400Mbps，上載速度高達40Mbps。但實際數據傳輸及連線速度會受不同因素影響而異，包括網絡流量狀態、周遭環境、硬件、軟件或其他因素。
其他非全速嘅自由鳥月費計劃，速度將唔高於42Mbps，上載速度為5-20Mbps。

8. 月費計劃是否支援VoLTE（Voice Over LTE）呀？
月費計劃支援本地VoLTE話音通話，記得要配合埋支援VoLTE嘅手機呀！

9. 月費計劃是否支援網絡共享 （Tethering）呀？
我哋嘅月費計劃支援本地網絡共享（Tethering），但唔支援點對點傳輸應用程式（P2P）、FTP文件共享同埋網路錄影監控。

10. 月費計劃仲包啲乜服務？
月費計劃包括SMS功能、留言信箱、來電轉駁、來電顯示、來電待接及電話會議。

11. 喺邊度可以睇到我嘅本地數據同本地通話分鐘使用量？
你可以喺Birdie Mobile App裡面嘅「用量顯示器」 一次過睇晒。

12. 我剛剛啟動咗電話服務，但係App 嘅「用量顯示器」話我嘅「數據有限期」喺幾日後就到期，點解㗎？
放心！其實「用量顯示器」所顯示嘅「數據有限期」係代表你電話服務嘅 「每月截數日」。
而喺你啟動服務嘅第一日到第一個截數日，呢段時間嘅月費係豁免㗎！
即係呢段時間所有嘅本地數據同分鐘都可以免費使用。而你已預繳嘅第一期月費，會喺第一個截數日之後先開始計算！

13. 咁喺月費豁免期，我可唔可以使用「數據P2P」功能?
喺月費豁免期間，你唔可以接收朋友畀你嘅數據或將數據傳送畀朋友。

14. 自由鳥係用邊個流動網絡商？
自由鳥流動網絡係由 SmarTone （數碼通）支援。

15. 我可唔可以帶號碼轉台嚟自由鳥？
梗係可以啦，只要喺Birdie Mobile App填好資料同選好轉台日子，我哋就會幫你做晒所有手續，你唔使通知而家個台㗎。

16. 我嘅服務計劃唔係無限通話分鐘，如果用晒啲本地通話分鐘咁點算啊？
額外本地通話分鐘收費為每分鐘HK$0.3。（每個通話分鐘收費的計算方法以每分鐘為單位，不足一分鐘亦作一分鐘計算。）

17.我可以點畀錢交月費呀？
只須登入Birdie Mobile App > 「賬單」，揀以下嘅付款方法就可以畀月費：
– VISA / MasterCard 信用卡 （只支援香港信用卡）
– Apple Pay (VISA / MasterCard)
– 八達通銀包
– WeChat Pay HK
– AlipayHK
– Google Pay (VISA / MasterCard)
如果冇信用卡，可以用Tap & Go或其他預付卡，或第三者嘅信用卡付款都可以！

1. 登記學生月費計劃有咩條件㗎？
a. 你係11至25歲（根據登記服務嘅日期計算，僅按月份和年份計算）；
b. 你持有有效學生身份證明文件（包括本地或海外大學/大專、中學、小學)，你必須提供學校名稱（適用於本地大學/大專及中學生），同埋上載學生身份證明文件嘅電子檔。

2.有咩學生月費計劃揀呀？
我哋有4個學生月費計劃畀你揀，按此
學生月費計劃數據速度係4G 42Mpbs，全部有「貓頭鷹時間」* + 任用數據及無限通話分鐘。
* 詳情請參考「貓頭鷹時間」

3.我係現有自由鳥用戶，亦係11至25歲嘅學生，我係唔係要取消現有服務再重新上台，先可以登記學生計劃？
唔使。你只需登入自由鳥賬戶，撳入去「個人資料」再撳「改為學生身份」，然後提供學校名稱（適用於本地大學/大專及中學生），同埋上載學生身份證明文件嘅電子檔，成功提交資料後，你就可以更改選用學生計劃。詳情可以睇現有用戶更改計劃步驟。

4. 完成登記學生月費計劃，係咪就可以一直用呢個計劃？
我哋嘅團隊會係你完成登記後驗證你嘅學生身份：
a. 如驗證成功，你喺App嘅「個人資料」版面會見到「學生身份」由「驗證中」轉為「已驗證」。咁你就可以一直用學生計劃到25歲喇。
b. 如我哋發現你嘅學生身份證明文件及／或學校信息無效、錯誤或不完整；或者發現你嘅年齡係26歲或以上，你將會喺下一個賬單開始日期開始自動更改為使用其他月費最接近嘅自由鳥月費計劃。你將獲電郵通知有關學生身份驗證失敗同自動更改計劃提示，你喺App嘅「個人資料」版面會見到「學生身份」由「驗證中」轉為「驗證失敗」。

5. 我用緊學生月費計劃，年滿26歲之後會點？
當你年滿26歲時（僅按月份和年份計算），我哋會向用緊學生計劃嘅你發出更改計劃提示電郵：你將會由下個賬單開始日期開始自動更改為使用其他月費最接近嘅自由鳥月費計劃，或者你可主動去App更改計劃。

1. 咩叫「貓頭鷹時間」？
為切合喜愛夜瞓嘅你，我哋推出咗「貓頭鷹時間」，指定用戶可以喺每日凌晨01:00– 06:00任用本地數據，而唔會扣除當月本地數據用量。​
📌提提你：如客戶賬戶尚餘當月高速數據（例如月費計劃的高速數據、「數據 P2P 數據」、 「月月加碼數據」、「追加數據」或其他獎賞數據），客戶所用之數據將不會扣除高速數據用量。如客戶已經用完當月高速數據，客戶仍可繼續使用流動數據服務， 唯上網速度(上載及下載)將被調整。

2. 點樣可以喺「貓頭鷹時間」任用數據？
只要選用指定自由鳥月費計劃就免費送畀你！

3. 我個月費計劃無「貓頭鷹時間」，可唔可以獨立申請？
唔好意思啊，「貓頭鷹時間」不設獨立申請！覺得「正」嘅就改用其他指定月費計劃啦！

1. 自由鳥有冇門市？
我哋冇門市！因為只要下載Birdie Mobile App，就可以登記服務及睇到同管理自己嘅賬戶，一切掌握喺手中。令你少咗個落街嘅理由！

2. 我可以開幾多個電話號碼？
每個香港身份證號碼/護照號碼最多可以登記5個電話號碼；但每個電話號碼都需要以獨立電郵去申請（唔可以同之前登記電郵一樣）。

3. 登記自由鳥需要乜嘢文件？
只要有香港身份證／護照就得。

4. 登記自由鳥有冇年齡限制？
只要年滿11歲同埋有香港身份證／護照就可以申請。

5. 想用公司名稱登記自由鳥？
唔好意思，我哋暫時唔接受以公司名義申請。

6. 登記自由鳥需唔需要手續費？
當然唔需要啦！

7. 點解要上載我嘅身份證明文件？
你上載嘅證明文件以用作核實該號碼持有人嘅身份；
並且根據香港特別行政區政府所訂立嘅《電訊（登記用戶識別卡）規例》要求，你必須完成實名登記程序，先可以使用服務。

8. 點知道我嘅自由鳥服務已經成功登記？
你會收到我哋嘅電郵，確定你已經登記服務。

9. 我可以點樣收到自由鳥SIM卡？
登記服務嘅時候，你可以揀「SIM 卡類型及領取方法」：
– 實體SIM卡可以揀 (i) 本地平郵收SIM卡或 (ii) 喺Circle K 便利店自取、(iii)已有自由鳥遨遊SIM卡喺手或(iv) 已有全新自由鳥SIM卡喺手(於零售商門市購買的本地流動電話SIM卡)

10. 幾時可以收到SIM卡?
– 實體SIM卡 – 本地平郵：我哋寄出SIM卡後會以電郵通知你，由登記日起計大約5個工作天內會寄到你登記嘅地址。
–實體SIM卡 – Circle K 便利店自取：成功登記後你會收到確認電郵，憑住電郵內嘅QR Code即時可以領取SIM卡。

11. 你哋張SIM卡可唔可以寄去香港以外嘅地方？
我哋暫時淨係提供本地郵遞服務。

12. 點解顯示唔到我輸入嘅地址？
如果冇顯示你嘅地址，請先移除「智能輸入」剔號，並以人手輸入正確地址

13. 點解唔可以輸入中文地址？
我哋系統只支援以英文輸入嘅地址。

14. 有邊啲流動裝置可以支援Birdie Mobile App？
iOS：所有使用 iOS 12.0 或以上版本嘅iPhone、iPad同埋iPod touch。
Android：所有支援Google Play Store並使用Android 6.0或以上版本嘅流動裝置。

1. 你哋有冇新號碼揀？
當然有！你仲可以揀幸運號碼。

2. 我可以要求開指定電話號碼嗎？
除非攜號轉台，否則只可以揀選Birdie Mobile App內所提供嘅電話號碼。

3. 點知道我嘅自由鳥服務已經成功登記？
你會收到我哋嘅電郵，確定你已經登記服務。

4. 幾時可以收到SIM卡?
–實體SIM卡 – 本地平郵：我哋寄出SIM卡後會以電郵通知你，由登記日起計大約5個工作天內會寄到你登記嘅地址。
–實體SIM卡 – Circle K 便利店自取：成功登記後你會收到確認電郵，憑住電郵內嘅QR Code即時可以領取SIM卡。

5. 我登記咗自由鳥嘅服務，但一直都未收到SIM卡，點算？
–如果你揀咗「本地平郵」而登記後7天仍然未收到SIM卡，請電郵到hello@birdie.com.hk畀我哋跟進
–如果你揀咗「Circle K 便利店自取」而未收到確認電郵，你可以登入Birdie Mobile App > 「我的計劃」> 「自助攞SIM方法」用頁面上嘅QR code去領取SIM卡

6. 如果登記自由鳥嗰陣，未能確認我嘅上台申請，應該點做？
如果未能確認申請，Birdie Mobile App會自動彈出「電郵畀我哋」版面，我哋會盡快幫你跟進㗎喇。

7. 我最遲可以幾時啟動服務㗎？
由成功登記服務嗰時開始計90日內，你都可以隨時啟動服務㗎！

1. 對台合約未完/就嚟完，轉台生效日應該安排邊日先好？
建議選擇對台合約完結日做轉台生效日，揀啱日子就可以避免不必要嘅違約罰款！

2. 我可唔可以／點樣轉自己個電話號碼嚟自由鳥？
無論係儲值咭或月費用家，只要你係︰
a. 登記機主本人
b. 確定對台合約完結或即將完結
c. 在對台嘅電話號碼狀態係保持啟動
都可以攜號轉過嚟自由鳥，只要下載Birdie Mobile App，準備好你嘅香港身份證或者護照，就可以經App轉自己個電話號碼嚟自由鳥。

3. 要唔要自己通知返個台去停服務？
唔使，只要下載Birdie Mobile App，就可以經App轉自己個電話號碼嚟自由鳥，我哋會幫你通知你現有嘅服務供應商，將你嘅號碼轉過嚟同喺你指定嘅日子生效。

4. 攜號轉台嚟自由鳥有冇額外收費／手續費？
當然冇啦！

5. 攜號轉台嚟自由鳥需要乜嘢資料？
只要你係登記機主本人，只需要提供流動電話號碼、登記人全名同登記人嘅香港身份證號碼／護照號碼就得。

6. 我想轉台到自由鳥，要預返幾多日呀？
一般約6個工作天就可以，如果需要提前轉台嘅日期，你可以喺收到SIM卡之後，電郵到hello@birdie.com.hk俾我哋跟進！
領取SIM卡方法：
1. Circle K 便利店領取- 約6個工作天後轉台；或
2. 郵寄方式 – 約7-10個工作天後轉台

7. 點解揀唔到過台時間？
可能因為你未成功驗證手機號碼，請喺Birdie Mobile App內按發送驗證碼，我哋會將一次性驗證碼以SMS傳送到你手機，輸入驗證碼後就可以揀過台時間。

8. 點樣知道我嘅攜號轉台有冇問題？
如果喺轉台嘅時候有任何問題，我哋會盡快聯絡你，請留意我哋嘅電郵通知。

9. 用公司名稱登記嘅流動電話號碼，可唔可以攜號轉台？
我哋暫時只接受以個人名義登記嘅流動電話號碼轉台。你可以先去你用緊嘅流動電話網絡商，辦理轉名手續。 成功轉名後， 就可以上Birdie Mobile App辦理轉台手續！

10.我個電話號碼登記機主唔係用我個名登記，可唔可以安排轉台到自由鳥？
你可以根據以下簡單嘅三個步驟辦理就可以啦！
第一步 ：首先以自己「新機主」嘅資料，喺 Birdie Mobile App 辦理登記同完成轉台手續
第二步 ：下載同填妥以下兩張表格，以辦理更改登記機主手續
(1) 以「舊機主」嘅個人資料填妥「攜號轉台申請表格」
(2) 填妥「更改帳戶持有人同意書」(即舊機主同意將流動電話號碼轉讓畀新機主)
(3) 「新+舊機主」嘅身份証副本
第三步 ：將填好嘅兩張表格及身份証副本，連同登記訂單編號，以Birdie Mobile App右上角嘅「電郵畀我哋」上載畀我哋
同事收到表格同處理好之後，就會用電郵回覆返你！

11. 已停台嘅流動電話號碼，可唔可以申請攜號轉台？
你可以先去你用緊嘅流動電話網絡商，辦理重開號碼手續，成功重開後就可以上Birdie Mobile App辦理轉台手續！

12. 申請攜號轉台嘅時候，收唔到一次性驗證碼，應該點做？
請你確定輸入嘅電話號碼係正確。確定號碼正確後，先等一分鐘，就可以再按驗證碼攞多次。

13. 點知道我嘅自由鳥服務已經成功登記？
你會收到我哋嘅電郵，確定你已經登記服務。

14. 幾時可以收到SIM卡？
–實體SIM卡 – 本地平郵：我哋寄出SIM卡後會以電郵通知你，由登記日起計大約5個工作天內會寄到你登記嘅地址。
–實體SIM卡 – Circle K 便利店自取：成功登記後你會收到確認電郵，憑住電郵內嘅QR Code即時可以領取SIM卡。

15. 我登記咗自由鳥嘅服務，但一直都未收到SIM卡，點算？
–如果你揀咗「本地平郵」而登記後7天仍然未收到SIM卡，請電郵到hello@birdie.com.hk畀我哋跟進
–如果你揀咗「Circle K 便利店自取」而未收到確認電郵，你可以登入Birdie Mobile App > 「我的計劃」> 「自助攞SIM方法」用頁面上嘅QR code去領取SIM卡

1. 收到SIM卡後，係唔係即刻用得㗎喇？
係未用得住㗎。收到SIM卡後，記得喺Birdie Mobile App嘅「啟動SIM卡」，跟住指示啟動SIM卡。

📌提提你: 攜號轉台客人要等到成功轉台後先可以「啟動SIM卡」㗎。

2. 收到SIM卡後，點樣先啟動到自由鳥服務？
首先你要下載Birdie Mobile App，再按「登入」。請先登入自由鳥賬戶，再按「啟動SIM卡」，跟住啲步驟做，你就可以即刻啟動自由鳥嘅服務啦！

服務將會喺你指定嘅日子啟動，到時記住將SIM卡插入手機同重新啟動手機，就可以享用自由鳥服務喇！

3. 啟動咗張SIM卡點解都用唔到嘅，應該點做啊？

–實體SIM卡：你可以嘗試將SIM卡插入你嘅流動裝置，然後重新開機。
– eSIM：你可以喺流動裝置入面嘅設定，睇下係咪已經加入咗你個電話號碼嘅eSIM。撳呢度可以睇到詳細eSIM嘅設定步驟。
–如果都唔得，請將流動裝置嘅APN改做「Internet」，用戶名稱同密碼留空，再重新開機，更改APN嘅程序如下︰

– Android：設定>流動網絡>存取點名稱(APN)
– iOS：設定>流動網絡>流動數據選項>流動數據網絡>APN

1: 點解我要進行實名登記？
因為《電訊(登記用戶識別卡)規例》（”《規例》”）已於2021年9月1日正式生效。《規例》指明由2022年3月1日起，電話智能卡用戶須為其電話智能卡向所屬電訊商進行實名登記。

2: 需要提供咩登記資料？
根據通訊事務管理局辦公室網頁：
https://www.ofca.gov.hk/tc/consumer_focus/guide/hot_topics/sim_registration/index.html
個人用戶所需資料如下：
• 中文姓名（如適用）及英文姓名
• 出生日期
• 身份證明文件號碼（如申請人並不持有香港身份證，他/她須作出以下聲明(i)不持有香港身份證及(ii)沒有使用其他身份證明文件作登記）
• 身份證明文件副本
• 若用戶為 11 至 15 歲的人士，須得到一名年滿18歲成年人確認，同時登記該成年人的資料，並述明該名成人與申請人的關係；11 歲以下人士則不接受登記。

3. 收集嘅個人資料，通話記錄等會提供畀政府或其它部門嗎？
閣下請放心，自由鳥有嚴謹嘅業務守則，絕對唔會喺不合法嘅情況下將你嘅個人資料交畀第三者。

4. 我可以用護照或其它身份證明文件登記嗎？
根據《規例》，本港居民必須使用香港身份證進行實名登記。不過，假如你冇持有香港身份證，亦可以根據《規例》所指定的其他它身份證明文件(例如有效旅遊證件或護照*)進行實名登記。
*香港特區護照及英國國民（海外）護照不能作為進行實名登記嘅有效身份證明文件

5: 啱啱做咗實名登記，係咪代表已完成？
完成實名登記後，你會收到系統嘅確認短訊通知。

6: 我可以登記幾多個自由鳥電話號碼？
個人用戶最多可登記5個自由鳥電話號碼。

7: 可唔可以喺實名認證時安排轉名？
唔好意思，目前我哋未能支援為現有自由鳥客戶辦理轉名手續，只能為原來登記人實名認證。

8: 我頭先嘗試實名登記，點解系統顯示我嘅身份證號碼唔啱？
實名登記時，請先確認你輸入現時號碼登記人嘅證件號碼，並需與登記服務時提供嘅證件號碼一致。當中身份證號碼嘅字母用大楷，括弧用英文形式符號“()”。

若已符合以上嘅輸入格式後仍不成功，請你透過電郵聯絡hello@birdie.com.hk，提供輸入嘅身份證/護照號碼資料及截圖畀我哋跟進。

9: 系統顯示呢個身分證/護照號碼登記嘅賬戶仲有逾期款項未交，應該點繳費用？
如果記得該舊賬戶嘅登記電郵及密碼，可以先喺Birdie Mobile App登出現有賬戶，然後登錄舊賬戶嘅登記電郵及密繳費。
若只忘記登入密碼，可以先喺「忘記密碼」版面輸入舊賬戶嘅登記電郵重設密碼。
如果已忘記登記電郵，請你透過電郵聯絡hello@birdie.com.hk，提供喺自由鳥服務時所提供嘅身份證/護照號碼，同事收到後會為你處理。

10: 我已經無再用你嘅服務，要求現在立即銷毀相關嘅個人資料。
根據《電訊( 登記用戶識別卡) 規例》第106章第37條第4部- 備用紀錄部份，電訊商須於實名認證限期屆滿後的一年期間，備存用戶的記錄，因此不可以立即銷毀閣下本公司的個人資料。

11. 咁幾時先銷毀相關嘅個人資料？
請放心，當客戶停止使用服務一年後，系統會自動刪除相關嘅個人資料。

1. 請問 3G 服務將於哪一天停止？
自由鳥的 3G 服務將於 2026 年 10 月 9 日 停止。此安排有助我們更有效運用資源，提升你的數碼體驗。

2. 3G服務即將停止，這對我有什麼影響？
如果你手機 / 裝置的網絡訊號顯示「「LTE」，你將不受影響。
否則，請你立即進行 2個簡單檢查，確保手機及通話設定已支援 4G LTE，讓你上網、日常通訊及撥打緊急求助電話不受影響。

部份舊款手機，在3G服務停止後，將無法繼續撥打999或112等緊急求助電話。在需要緊急服務時，或會對你的安全構成潛在風險。

別遲疑，立即完成檢查及進行更新：
步驟 1： 檢查你的手機 / 裝置已支援  4G LTE。你可參考自由鳥建議的 4G LTE 型號清單。
步驟 2： 檢查手機 / 裝置作業系統已更新至iOS 18或以上／Android 13或以上，及已啟用 4G LTE 通話設定。請按此參閱 4G LTE詳細啟動流程。

服務指令
隨著 3G 服務終止，透過手機發送「*」及「#」字頭服務指令（如來電轉駁 **21*）的方法將無法繼續使用。你可以直接發送免費短訊至 +852 6320 8889，繼續使用相同的服務指令輕鬆管理各項話音功能。詳情請按此瀏覽。

1. 咩係VoLTE ？
VoLTE（Voice over LTE）係一項透過4G LTE數據網絡傳送話音嘅技術，可提供高速接駁、高清話音通話，畀你喺通話期間同時使用流動數據。

由於VoLTE話音通話內容係透過4G LTE流動網絡傳送，相比於較舊嘅流動網絡，新一代網絡具備更高級別嘅安全防護機制，採用更先進嘅加密技術同更完善嘅網絡身份識別保護，因此有助加強通話嘅安全性。

2. 使用 VoLTE 有咩好處？
只要你的手機及網絡支援 VoLTE，並完成簡單設定，即可享有：
– 更快連接通話：比傳統話音通話更高速接駁
– 更清晰通話：話音音質更佳、通話更穩定
– 通話同時使用數據：通話期間仍可上網、用 Apps
– 通訊更加安全：享有更先進的加密技術和更完善的網路身分保護，有助保障你的日常通訊安全
– 出外旅遊時話音通話功能仍可靠：隨着多個地區已全面停用 2G / 3G 網絡 (如台灣、澳洲、美國等)，如手機未支援或未啟用 VoLTE，可能無法撥打或接聽話音通話

✅建議所有用戶啟用 VoLTE，有助確保於本地及海外漫遊時，話音服務正常運作。

3. 點樣知道我部手機支唔支援用 VoLTE，並確保我有需要時可順利打緊急求助電話？
部分較舊型號手機需要依靠 2G 或 3G 網絡，先可以撥打 999 或 112 等緊急求助電話。3G 服務停止後，為保障包括緊急通話在內的本地話音服務能正常使用，請確保您的裝置已支援並已啟用 VoLTE 服務，請按照以下步驟檢查是否兼容及了解點樣啟動VoLTE。
– 查看支援嘅手機／裝置清單：按此
– 更新手機／裝置作業系統：請確保已更新至iOS 18或以上／Android 13或以上
– 啟動手機 VoLTE 功能：按此
📌請注意：實際設定或因品牌、型號及作業系統版本而異。如有疑問，請向手機品牌查詢。
✈️外遊特別提示：部份海外地區已全面停用2G或3G網絡，當地網絡商或未支援以VoLTE語音直接撥打緊急熱線。如在外遊期間遇到無法直撥情況，請於Birdie Mobile App > 「用量顯示器」 > 「漫遊通話及IDD」啟用「漫遊通話及IDD服務」，然後撥打 [+] [國家號碼] [區域號碼] [緊急電話號碼]（例：於珠海致電110，請撥打 +86 756 110）。通話費將按漫遊通話收費計算。

4. 我已跟隨此網頁內的指示，點解喺手機「設定」揾唔到 VoLTE？
如果你未能喺手機「設定」中搵到VoLTE，有機會係因為：
– 手機型號不支援 VoLTE
– 作業系統版本過舊
– 新版本系統已預設啟用 VoLTE（無需手動開啟）

我哋建議你更新手機系統或重新啟動手機，並參考裝置清單，確認手機型號係咪支援 VoLTE。

1. 咩叫「追加數據」?
當你嘅 700Mbps / 42Mbps / 21Mbps 速度數據用晒之後，如果想享用額外 700Mbps / 42Mbps / 21Mbps 速度數據嘅話，就可以透過Birdie Mobile App「追加數據」，即買即用！ (網速視乎所選用之月費計劃而定)

2.「追加數據」點計，有幾多額外 700Mbps / 42Mbps / 21Mbps 速度數據？
3種選擇：1GB／5GB／10GB數據，網速視乎所選用之月費計劃而定。

3. 點樣「追加數據」?
只需要喺Birdie Mobile App裡面嘅「用量顯示器」，選擇「加購數據」，就可以按自己需要追加數據。

4. 今個月用剩咗啲「追加數據」，有冇得退錢或轉去下個月？
已經支付咗嘅「追加數據」費用係唔可以退還，數據亦唔可以轉去下個月！但你可以考慮轉贈用剩咗嘅數據畀Birdie 好友呀！

1. 點樣加購「外遊數據日費」？
打開Birdie Mobile App>「外遊數據日費」>「加購外遊日費」
選擇目的地同日數，付款後就會喺「現有外遊日費總覽」見到買咗嘅外遊日費，記住喺有效日期前使用啦！

2. 「外遊數據日費」支援邊啲目的地同網絡？
「外遊數據日費」喺全球超過60個目的地都用得到。主要支援4G網絡數據服務，個別地區支援3G數據服務，實際使用需視乎使用量同地方網絡覆蓋。詳情可睇：按此

3. 「外遊數據日費」每日包幾多數據用量？
數據係任用嘅！當每日每個地區漫遊數據用量去到500MB (或指定數據用量)，上網速度會被調整到唔高於512kbps，但你仍然可以繼續享用漫遊數據。

4. 如每日高速漫遊數據唔夠用，可以追加當日嘅數據嗎？
可以。你可打開Birdie Mobile App，撳「外遊中：追加即日數據」按鈕，選擇即時付款，或者扣減戶口內適用嘅外遊日費嚟追加數據(如有)，就可以保持流暢嘅上網速度！

5. 外遊日費係點樣定義「一日」？
「一日」定義為喺漫遊國家(首都)或地區當地時間00:00至23:59 。
(如身處國家有多於一個時區，外遊日費將以當地首都時間00:00至23:59定義為一日。)

6. 外遊日費有冇有效期？
有。外遊日費有效期喺Birdie Mobile App嘅「外遊數據日費」>「現有外遊日費總覽」顯示，記得喺有效期前用外遊日費呀！

7. 買咗幾日外遊日費，係唔係要連續幾日用？
外遊日費只會喺使用流動數據服務當日先會扣除，唔需要連續幾日用。

8. 同一個外遊日費，可唔可以跨國家或者地區使用？
如果喺同一日內連接唔同國家或地區嘅流動網絡，每一個國家或地區會分別扣除一次外遊日費*。
*例外1：如果喺同一日內到訪內地及澳門，只會扣除一次日費（「亞洲推介」除外）。
例外2：如果同日到訪歐洲唔同國家或地區，最多只會扣除兩次日費。例如朝早喺荷蘭出發，中午到訪盧森堡，同日夜晩再去到比利時，即使全程有用漫遊數據，亦只會扣除兩次日費。

9. 經陸路／水路過境嘅時候，外遊日費會點扣？
邊境訊號複雜，經陸路／水路過境嘅時候（例如： 港珠澳大橋），建議唔好立即開啟「數據漫遊」，避免引起不必要嘅漫遊用量而令到外遊日費被扣除。

10. 點樣查閱我可以用嘅外遊日費同購買紀錄？
你可以喺Birdie Mobile App>「外遊數據日費」>「現有外遊日費總覽」查閱可用嘅外遊日費，並喺「過往購買記錄」查閱相關購買紀錄。

11. 可以喺海外收發漫遊短訊嗎？
用戶可於海外免費接收短訊，唔需要支付任何按金。
如果想喺海外發送短訊，則需要事先開通「漫遊通話及IDD服務」，及支付港幣500元按金，並按實際用量收費。

12. 喺海外連接唔到數據服務。點算？
請確定：
1. 手機或者流動裝置已經正確插入SIM卡
2. 已經買咗適用於身處目的地嘅外遊日費
3. 已啟動「流動數據網絡」+「數據漫遊」功能，無線網絡存取點 (APN) 已設定為「Internet」：
i. Android* 設定 > 無線與網絡 > 更多 > 流動網絡 > 接入點名稱 (APN)
ii. iOS 設定 > 流動網絡 > 流動數據選項> 流動數據網絡 > (APN)
*個別Android手機或平版電腦設定會有所不同，請向手機生產商查詢。

如果仍然未連接到網絡，請嘗試關閉手機電源，重新開機。

13. 外遊嗰陣，我可以自行揀當地網絡嗎?
到達當地後，SIM卡會自動連接當地網絡，詳情可以參考各地支援網絡商列表：按此。
如果你身處嘅地區支援多於1個網絡商，你亦可以透過手動設定網絡，揀選其他適用嘅網絡。
如果更改設定後仍然未連接到網絡，請嘗試關閉手機電源，重新開機。

14. 外遊日費支援邊啲數據服務？
外遊日費支援網絡共享（Tethering），亦可插入Wi-Fi蛋分享數據，但唔支援點對點傳輸應用程式 (P2P)、FTP文件共享同埋網路錄影監控。

1. 咩係「漫遊通話」？點樣啟動？
離開香港期間，自由鳥用戶只要身處有漫遊覆蓋嘅地區，並預先啟動「漫遊通話及IDD」服務，就可以打出及接收電話。你可以致電當地、香港或其他地區。

你可以喺Birdie Mobile App > 「用量顯示器」 > 「漫遊通話及IDD」 啟用「漫遊通話及IDD服務」，並完成以下步驟：
– 設定信用卡自動轉賬 (如未)，作日後繳費
– 繳付HK$500按金 （可選用信用卡／Apple Pay 繳付）

去到目的地之後，手機就會自動連接當地網絡。

2. 點解啟用漫遊通話要畀HK$500服務按金？收咗嘅按金會幾時退返？
因為自由鳥服務係無合約嘅，所以需要收取按金方先可以提供漫遊通話服務。喺你終止自由鳥服務計劃之後，我哋會扣除戶口內嘅結欠（如有）之後將按金退回（詳情）

3. 咩係「VoLTE 漫遊通話」？點樣啟動？
隨住多個國家／地區已全面停用2G／3G網絡（如台灣、澳洲、美國等），如手機未支援或未啟用VoLTE，可能會令你無法撥打或接聽話音通話。因此我哋建議用戶盡快啟用VoLTE，以確保喺本地及海外漫遊時，話音服務正常運作。而使用VoLTE漫遊服務收費與標準漫遊通話收費相同，不涉及任何額外收費。

如打算啟用VoLTE，你可以先確認手機係咪支援VoLTE，然後按此了解點樣喺手機啟動VoLTE。
– 查看支援嘅手機／裝置清單：按此
– 更新手機／裝置作業系統：請確保已更新至iOS 18或以上／Android 13或以上

如果你未能喺手機「設定」中搵到VoLTE，有機會係因為：手機型號不支援 VoLTE／作業系統版本過舊／新版本系統已預設啟用 VoLTE（無需手動開啟）。我哋建議你更新手機系統或重新啟動手機，並參考裝置清單，確認手機型號係咪支援 VoLTE。

4. 關於「*131*回港Call」？
「*131* 回港Call」服務已於2026年8月20日 (香港時間) 完結。由2026年8月21日起 (香港時間) ，如你身處海外致電回港，請直接撥打 +852 連同 8位香港電話號碼。

5. 漫遊通話服務支援咩國家／地區，同埋收費？
你可以去呢度睇到服務支援嘅國家／地區：按此
收費：按此
📌提提你，個別國家／地區只支援VoLTE漫遊通話+。

6. 我啟用咗漫遊通話服務，但成日喺新界鄰近邊境地區接收到大陸嘅漫遊信號，點算？
你可以關閉「中國漫遊」功能：於手機「訊息」對話框內，輸入201，然後將短訊發送至 +852 6320 8889
如要開啟「中國漫遊」功能：於手機「訊息」對話框內，輸入202，然後將短訊發送至 +852 6320 8889

7. 外遊期間，點解我設定唔到來電轉駁，打畀我嘅朋友又去唔到留言信箱？
如果冇預先啟用我哋嘅「漫遊通話及IDD」服務，當你身處海外，來電轉駁同留言信箱都會暫停。

8. 外遊期間，來電者可唔可以透過留言信箱服務留言？
已啟用「漫遊通話」服務：如果你身處我哋漫遊服務支援嘅國家或地區，而手機又喺不能接通、無人接聽或線路繁忙嘅狀態，來電者就可以透過留言信箱服務留言。
未啟用「漫遊通話」服務：來電者就會聽到「未能接通」嘅話音提示。

9. 外遊期間，點樣收聽留言信箱內嘅口訊？
已啟用「漫遊通話」服務：撥打 +852 138，就可以收聽留言口訊。通話費將會由成功駁到留言信箱時開始，以漫遊通話收費計算。

10. 外遊期間，未能直接撥通當地緊急求助熱線（如110／112），點算？
由於部份國家／地區已全面停用2G或3G網絡，當地網絡商或未支援以VoLTE語音直接撥打緊急熱線，因此可能出現無法直撥嘅情況。
如遇到上述情況，你可以先確認係咪已啟用「漫遊通話及IDD服務」，然後撥打 [+] [國家號碼] [區域號碼] [緊急電話號碼]。
例子：如身處珠海需致電 110，請撥打 +86 756 110
📌提提你：通話費將按漫遊通話收費計算。

11. 點解上一個月嘅漫遊通話費用，相隔幾個月先喺月結單中顯示？
由於客戶嘅漫遊通話記錄係由當地嘅漫遊服務商提供畀我哋，所以通話費用一般需要大約一至兩個月時間先會顯示喺客戶月結單中。

+只支援VoLTE漫遊服務之地區:
● 澳門(CTM)、日本(Softbank, KDDI)、新加坡(M1, StarHub, SingTel)、台灣(中華電信)
● 法國(FREE Mobile)、列支敦士登(Telecom Liechtenstein, Swisscom)、挪威(Telia Norge AS)、瑞典(Telenor Sweden)、瑞士(Sunrise, Swisscom)
● 澳洲(Telstra, Vodafone Australia )、紐西蘭(Spark)、美國(AT&T)

1. 我需要用自由鳥個號碼打電話去海外，可以點做？
你要先啟動「漫遊通話及IDD」服務，就可以打IDD國際長途電話，請按此了解啟動步驟。

2. 點樣啟動「漫遊通話及IDD」服務？
你可以喺Birdie Mobile App > 「用量顯示器」 > 「漫遊通話及IDD」 啟用「漫遊通話及IDD服務」，並完成以下步驟：
– 設定信用卡自動轉賬（如未），作日後繳費
– 繳付HK$500按金（可選用信用卡／Apple Pay 繳付）

3. 點解啟用IDD要畀HK$500服務按金？
因為自由鳥服務係無合約嘅，所以需要收取按金方先可以提供漫遊通話服務。

4. IDD服務嘅收費係點？
IDD服務收費： 按此

5. 收咗嘅按金會幾時退返？
喺你終止自由鳥服務計劃之後，我哋會扣除戶口內嘅結欠（如有）之後將按金退回（詳情）

6. 我啟用咗IDD服務，點樣先可以用手機由香港打出國際長途電話？
只須按或，再輸入就得。

7. 我啟用咗IDD服務，假如打出IDD後對方無人接聽，我會唔會被收取費用？
當對方接聽後先會開始收費；如果電話接通後但無人接聽，你都唔會被收取費用。但係，如果對方將電話轉駁到任何話音答錄系統，令你嘅來電被接駁到自動話音廣播，我哋就會向你收取費用。

8. 我啟用咗IDD服務，由香港打到海外嘅國際長途電話，如果用流動電話打出，當中會涉及咩費用？
費用會包括致電當地嘅國際長途收費，同埋流動電話服務嘅本地通話收費。IDD收費計算方法用每6秒做一個單位。

1. 用晒啲本地通話分鐘咁點算啊？
額外本地通話分鐘收費為每分鐘HK$0.3。（每個通話分鐘收費的計算方法以每分鐘為單位，不足一分鐘亦作一分鐘計算。）
或者，你可以喺Birdie Mobile App > 「用量顯示器」> 「追加無限通話分鐘 」，立即追加至無限通話分鐘。

2. 本地跨網短訊服務收費？
– 本地網內短訊：每賬單月內首500個短訊免費，其後每個HK$0.3
– 本地跨網短訊：每個HK$0.6
📌提提你：每個短訊以160個英文字母或70個中文字為上限。

3. 國際短訊服務收費係幾多？
發送每個國際短訊（香港至海外）收費為HK$2。

4. 漫遊短訊服務嘅收費係點？
漫遊短訊收費：按此
📌提提你：你要先喺Birdie Mobile App啟動「漫遊通話及IDD」服務，先可以喺外地發送漫遊短訊。

啟動步驟：
喺Birdie Mobile App > 「用量顯示器」 > 「漫遊通話及IDD」 啟用「漫遊通話及IDD服務」，並完成以下步驟：
– 設定信用卡自動轉賬（如未），作日後繳費
– 繳付$500按金（可選用信用卡 / Apple Pay 繳付）

5. 發放本地MMS收幾錢？
每個MMS按KB收費
至本地網絡：0-30 KB – 每個為HK$1.5；31-100 KB- 每個為HK$3。
至海外網絡 : 0-30 KB – 每個為HK$4.5；31-100 KB- 每個為HK$6。

6. 自由鳥支援VoLTE Video Call嗎？收費係點？
我哋支援本地 VoLTE Video Call。本地網內Video Call收費打出打入都係 HK$1/分鐘。網外打出收費為HK$2.5/分鐘，接聽收費為HK$1.5/分鐘。

7. 仲有問題，可以點樣聯絡你哋？
你可以經Birdie Mobile App右上角嘅「電郵畀我哋」或透過 hello@birdie.com.hk 發送電郵查詢。

1. 咩嘢係「數據P2P」？
喺Birdie Mobile App主頁撳本地數據P2P，所有用戶都可以免費將數據傳畀其他自由鳥用戶。

2. 轉移數據有咩限制？
✅轉移後帳戶需保留最少1GB數據
✅每次轉移須以0.5GB為單位
❌賬單截數日22:00至賬單開始日04:00期間暫停使用
❌月費豁免期間不可接收或轉移數據
❌接收後帳戶內總數據不得超過999GB

3. 點知朋友幾時畀咗數據我呢？
你會收到Birdie Mobile App通知或可直接查閱App內右上角個信封。

4. 收到嘅P2P數據可以用幾耐？
P2P數據必須喺賬單結算日前使用。

5. 唔同計劃可唔可以互傳？速度會點計？
可以互傳；速度跟接收者計劃而定。無限數據計劃用戶都可以參加。

1. 咩嘢係「齊齊加入鳥」？
你介紹親朋好友用自由鳥嘅服務（HK$90或以上月費計劃）又符合相關條件，就可以享有HK$100現金獎賞，被推薦嘅親朋好友亦可享有額外4GB本地數據同HK$100月費優惠券。  被推薦人的HK$100月費優惠券只適用於2021年8月12日或之後登記上台的客戶。

2. 喺邊度可以得到推薦人嘅推薦碼？
登入Birdie Mobile App後，按推薦朋友就可以搵到。

3. 當成功推薦朋友，我同朋友將會獲得乜嘢推薦獎賞？
i.「推薦人」：合共HK$100獎賞，會分兩期每期各HK$50發放到你嘅自由鳥戶口。被推薦人須選用HK$90或以上月費計劃，獎賞會喺被推薦人繳付有關月費計劃嘅第二期同第四期賬單後嘅7個工作天，發放畀推薦人。

ii.「被推薦人」：合共4GB 額外數據及HK$100月費優惠券，分兩期每期2GB發放。被推薦人須選用HK$90或以上月費計劃，於繳付有關月費計劃嘅第二期同第四期賬單後嘅7個工作天，就會喺「月光寶盒」收到額外數據同月費優惠券。

4. 要成功獲得推薦獎賞，要符合乜嘢條件？
i. 「推薦人」年齡係 16 歲以下，都唔會獲得獎賞。

ii.「推薦人」獎賞：「推薦人」同「被推薦人」需要同時連續4個月使用自由鳥嘅流動通訊服務同埋繳付月費，先會收到獎賞。

iii. 「被推薦人」獎賞：「被推薦人」需要連續4個月使用自由鳥嘅流動通訊服務同埋繳付月費，先會收到獎賞。

iv.「推薦人」及「被推薦人」獎賞：「被推薦人」需要使用HK$90 或以上月費計劃，先會獲取獎賞。而「推薦人」必需使用HK$90 或以上月費計劃方可提取現金獎賞。

5. 「推薦人」獲得現金獎賞嘅次數有冇限制？
當然冇限制啦！歡迎你推薦我哋嘅服務畀你所有嘅親朋好友。

6. 點樣推薦朋友？
可以登入Birdie Mobile App，將「推薦朋友」頁內屬於你嘅推薦碼分享畀好友。好友只需喺登記服務時填寫你個推薦碼就得。

7. 獎賞會唔會因為過期而唔能夠用嗎？
請喺三個月內領取獎賞，否則有關獎賞將被取消而不作另行通知。如果你喺任何情況下終止服務，我哋都會取消所有獎賞，所以最好盡早兌換獎賞喇！

8. 獎賞會用乜嘢形式呢？
你可以將你嘅推薦人獎賞兌換現金，我哋收到要求之後大概八星期內會將款項存入你指定嘅銀行戶口。

9. 月費優惠劵點用？
月費優惠劵會加入到你嘅「月光寶盒」:
i. 撳「月費優惠」
ii. 選擇你想用嘅優惠劵
iii. 撳「立即使用」
iv. 月費折扣會喺下期賬單中使用

1. 咩嘢係自由鳥印章？
月費HK$90或以上嘅用戶，每次成功繳費即可獲得一個自由鳥印章，儲齊指定數目，即可解鎖精彩獎賞，越用越有著數！

2. 獎賞點用？
獎賞會自動加入「月光寶盒」，使用方法同有效期限請喺Birdie Mobile App入面查看。

1. 咩嘢係月光寶盒？
儲自由鳥印章、拎獎賞、優惠同兌換優惠碼，全都喺「月光寶盒」一次過搞掂！🎁✨

2. 月光寶盒入面有咩獎賞，點用？
• 免費本地數據：一鍵兌換，數據即時加到當月用量
• 月費優惠：揀選優惠券，下期賬單即享折扣
• 現金獎賞：填妥銀行資料即可提取賬戶內現金獎賞
• 免費外遊日費：查看外遊日費獎賞記錄

3. 點兌換優惠碼？
喺優惠碼欄輸入並兌換優惠碼即可。

4. 獎賞有效期同限制？
使用期限請喺月光寶盒查看，如用戶終止服務，所有獎賞會失效而不作任何形式嘅退還。

1. 咩嘢係自由星期五？點先拎到優惠或禮物？
自由星期五係指定計劃客戶專享嘅驚喜活動🎉
只要喺指定日子同時間登入Birdie Mobile App＞ 最新情報 ＞自由星期五，就有機會即刻搶到禮物或限定優惠！
禮物數量有限，先到先得，送完即止。

2. 搶到禮物之後點換？
按照個別活動嘅條款及細則，喺限時內完成換領就得啦 ✅

1. 點樣建立自由鳥賬戶？
– 輸入你的電郵地址，以用作登入賬戶及通訊聯絡。每個電郵只可登記一個自由鳥賬戶
– 設定最少 8 位字母及數字組成嘅密碼
– 輸入登記電郵內嘅驗證碼完成註冊
  *如未收到驗證碼，請檢查垃圾郵件資料夾

2. 成功建立自由鳥賬戶後點登入？
使用登記電郵地址及密碼登入；iOS 用戶亦可使用 Touch ID ／Face ID。

3. 點樣設定／關閉 Touch ID／Face ID 登入Birdie Mobile App？
設定方法：
– 先喺 iPhone 設定啟用 Touch ID／Face ID
– 再於 Birdie Mobile App ＞撳左上角 ☰ ＞ 設定 ＞ 密碼／Touch ID／Face ID 開啟登入功能

關閉方法：
你可隨時於 Birdie Mobile App ＞撳左上角 ☰ ＞ 設定 ＞ 密碼／Touch ID／Face ID關閉功能

Android 用戶提示：
暫時只支援 iOS 用戶使用 Touch ID／Face ID 登入。

4. 點樣可以更改個人資料或登入電郵？
於Birdie Mobile App ＞設定 > 個人資料 即可更改。

5. 唔記得用戶名稱同密碼點算？
可於Birdie Mobile App內使用 「忘記密碼」，或前往 設定 ＞ 密碼 / Face ID / Touch ID ＞ 更改密碼。
注意：更改密碼後，所有已登入裝置會自動登出，需以新密碼重新登入並重新設定生物認證。

6. 如果我係用Facebook 登入，依家可以點算？
自由鳥已不再支援Facebook 登入，如你因此未能登入賬戶，請於Birdie Mobile App ＞ 撳右上角ℹ️ ＞ 電郵畀我哋，或電郵至hello@birdie.com.hk，並提供你嘅電話號碼及登記電郵以便跟進。

7. 點樣刪除帳戶？
於Birdie Mobile App ＞ 撳右上角ℹ️ ＞ 電郵畀我哋 ＞揀選「删除自由鳥賬戶」，或電郵至hello@birdie.com.hk，並提供你嘅電話號碼及登記電郵以便跟進。

1. 我可以點畀錢呀？
只須登入Birdie Mobile App > 「賬單」，揀以下嘅付款方法就可以畀月費：
– VISA / MasterCard 信用卡 （只支援香港信用卡）
– Apple Pay (VISA / MasterCard)
– 八達通銀包
– WeChat Pay HK
– AlipayHK
– Google Pay (VISA / MasterCard)

現時並不支援預付卡或扣賬卡付款。如果冇信用卡，可以用第三者嘅信用卡付款！

2. 我想喺自由鳥用信用卡自動轉賬繳交月費，可以點樣做？
喺Birdie Mobile App裡面嘅「設定」>「我嘅付款方法」，新增一張VISA / MasterCard信用卡（只支援香港信用卡）。為確保信用卡仍然有效，我哋將會喺以上信用卡收取HK$1。有關交易會即時被發卡銀行取消，而且不會於月結單中收取。

3. 點樣取消信用卡自動轉賬？
喺Birdie Mobile App裡面嘅「設定」>「我嘅付款方法」，選擇「移除信用卡」就可以辦理。
提提你：我哋大概需要3-5 個工作天處理取消信用卡自動轉賬，並於完成處理嘅下一個截數日生效。

4. 信用卡自動轉賬幾時會扣數？
我哋會喺月結單發出後第3至7個工作天內扣數，時間長短要視乎期間有冇公眾假期。

5. 啱啱經八達通App繳交賬單費用，繳費記錄係唔係即時會喺Birdie Mobile App顯示？
係呀！成功經八達通App繳交費用，可以即時喺Birdie Mobile App > 「賬單」內顯示 。

6. 點樣經八達通App繳交費用？
i. Birdie Mobile App 付款方法 （需安裝八達通App）：揀選「八達通」後將直接開啟你嘅八達通 App > 於八達通 App 付款頁面完成付款程序
ii. 自由鳥網站付款方法：揀選「八達通」後會顯示八達通網上付款頁面 > 請開啟八達通 App 並掃瞄QR碼或輸入付款編號以完成付款程序

7. 經八達通App繳交費用有冇額外收費或手續費？
當然冇啦！只要你成功喺八達通App登記付款服務，就可以經八達通App繳交自由鳥賬單。

8. 點樣經WeChat Pay HK 繳交費用？
首先登入WeChat Pay HK 嘅「我的設定」>「錢包」>「電訊繳費增值」>「賬單繳費」>「電訊商」揀「自由鳥」> *輸入自由鳥流動電話號碼 > 自動顯示繳費金額 > 輸入WeChat Pay HK 密碼就可以完成付款程序。
*首次登記「自由鳥」賬戶會收到一次性驗證碼短訊以作「登記新賬戶」

9. 點樣經AlipayHK繳交費用？
i. Birdie Mobile App 付款方法 （需安裝AlipayHK App）：揀選「AlipayHK」後將直接開啟你嘅AlipayHK App > 於AlipayHK App 付款頁面完成付款程序
ii. 自由鳥自由鳥網站付款方法（不支援Internet Explorer）：揀選「AlipayHK」後會顯示付款 QR碼 > 進入AlipayHK App，並按左上角嘅「掃一掃」QR碼 > 於AlipayHK App完成付款程序

10. 點解喺 WeChat Pay HK 同埋 AlipayHK 嘅「電訊商」搵唔到自由鳥？
我哋只支援香港版嘅 WeChat Pay HK 同埋 AlipayHK 支付，請將錢包地區設定為香港。

11. 點解用WeChat Pay HK／AlipayHK 交唔到逾期款項?
WeChat Pay HK ／AlipayHK 登記新賬戶須要以短訊接收一次性驗證碼，方可繳交費用；而因欠費而停台嘅自由鳥賬戶暫時未能接收短訊。如從未喺WeChat Pay HK／AlipayHK 登記有關自由鳥賬戶，則未能繳付逾期款項；你可選擇其他方法繳交費用，例如用信用卡、Apple Pay或八達通銀包。

12. 點樣轉其他信用卡自動轉賬？
如果你想轉其他信用卡做自動轉賬，請先喺 Birdie Mobile App 〉「設定」〉「我嘅付款方法」，選擇「移除信用卡」。然后再新增一張 VISA / MasterCard 信用卡（只支援香港信用卡）並輸入資料就可以辦理。

為確保信用卡仍然有效，我哋將會喺以上信用卡收取HK$1。有關交易會即時被發卡銀行取消，而且不會於月結單中收取。

📌提提你，
1. 大概需要3 – 5 個工作天處理更換信用卡自動轉賬，並於完成處理嘅下一個截數日生效。
2. 暫時唔支援以 Octopus Mastercard 及 ZA Card 作信用卡自動轉賬。

1. 留言信箱可以容納幾多個口訊？
最多可儲存10個口訊，每個最長60秒，可保留3日。

2. 點樣重新設定留言信箱密碼？
• 已啟動「免除輸入密碼」功能：於手機撥打”138″進入留言信箱即可重設。
• 已關閉「免除輸入密碼」功能：請電郵至 hello@birdie.com.hk 聯絡我哋安排重設。

3. 點樣可以錄低個人歡迎辭？
於手機撥打”138″進入留言信箱 ，即可錄製個人歡迎辭。

1. 點樣報失／更換SIM 卡？
於Birdie Mobile App ＞ 設定 ＞ SIM卡管理＞ 報失／更換SIM卡 辦理。

你可選擇以下領取方式：
– 實體 SIM：本地平郵 （3-5個工作天內寄到香港境內指定地址) 或 Circle K 便利店自取
– eSIM：經電郵收取 QR code 下載eSIM

咩係eSIM?
eSIM 係儲存喺裝置的內置電子 SIM 咭。同實體 SIM 咭一樣， eSIM 儲存著接駁及使用自由鳥網絡所需資料。自由鳥eSIM支援指定型號手機:
– Apple: iPhone Duo / iPhone 18 Pro / iPhone 18 Pro Max / iPhone Air / iPhone 17 Pro Max / iPhone 17 Pro / iPhone 17 / iPhone 17E / iPhone 16E / iPhone 13 mini / iPhone 12 mini / iPhone SE (3rd generation) / iPhone SE (2nd generation) / iPhone XS
– HONOR: Magic 8 Pro / Magic 7 Pro / Magic 6 Pro / Magic 5 Pro / Magic 4 Pro / Magic V6 / Magic V5 / Magic V3 / Magic V2 / Vs / 90 / 200 / 200 Pro / 400 / 400 Pro / 600 / 600 Pro
– Huawei: Mate X7 / Mate40 Pro (NOH-NX9) / P40 (ANA-NX9) / P40 Pro (ELS-NX9) / Pura 90s Pro Max / Pura 80 Pro / Pura 80 Ultra / Pura 70 Pro
– Motorola: RAZR 5G
– Nokia: X30 (TA-1450)
– OnePlus: 11 5G
– OPPO: Reno 15 Pro Max / Reno 14 Pro / Reno 14 F / Reno 13 Pro / Find N6 / Find N5 / Find N3 / Find N3 Flip / Find N2 Flip / Find X9 Pro Ultra / Find X9 Pro / Find X8 Pro
– Redmi Note: Note 17 Pro 5G / Note 17 Pro Max 5G / Note 15 Pro 5G / Note 15 Pro+ 5G / Note 14 Pro 5G / Note 14 Pro+ 5G / Note 13 Pro 5G / Note 13 Pro+ 5G
– Samsung Galaxy: S26 / S26+ / S26 Ultra / Z Fold8 / Z Fold8 Ultra / Z Flip8 / Z Flip (SM-F700F) / Tab S12+ 5G / Tab S12 Ultra 5G / Tab S9 / Tab S9+ / Tab S9 Ultra / Tab S9 FE+ / Tab S9 FE / Tab S10+ / Tab S10 Ultra / Tab S10 FE+ / Tab S10 FE
– vivo: X Fold 5 / X Fold 6 / X90 Pro / X100 Pro / X200 / X200 Pro / X200 FE / X300 FE / X300 Ultra / X300 / X300 Pro / X500 / X500 Pro Max
– Xiaomi: 13 / 13 Pro / 13T / 13T Pro / 14 / 14T / 14T Pro / 14 Ultra / 15 / 15 Ultra / 15T / 15T Pro / 17 / 17 Ultra

截至 2026 年 10月

📌提提你：自由鳥嘅eSIM唔支援Apple Watch；而支援嘅裝置將會不定時更新。

2. 更換SIM 卡幾錢？
補發SIM卡需預繳HK$50，相關預繳費用將於下期賬單退回。

3. 仲未收到SIM卡，可以點做？
–本地平郵：登記後7天仍未收到，請電郵至hello@birdie.com.hk
–Circle K 便利店自取：如未收到確認電郵，可於Birdie Mobile App ＞ 我的計劃 ＞ 自助攞SIM方法 用QR code領取
–eSIM：如未收到確認電郵，可於Birdie Mobile App ＞ 我的計劃 ＞ 設定eSIM方法 下載QR Code

4. 我已經完成登記，可唔可以轉用實體SIM / eSIM？
可以。實體 SIM：請到Birdie Mobile App ＞ 設定 ＞ SIM卡管理＞ 報失／更換SIM卡 ＞ 揀SIM卡類型及領取方法。
現有自由鳥客戶如需轉用eSIM，歡迎電郵至hello@birdie.com.hk

5. 我點解用唔到 iPhone 快速轉移 (Quick Transfer)？
iPhone 快速轉移 (Quick Transfer) 暫未適用於Birdie eSIM服務。

6. 點樣設定SIM PIN （個人識別號碼）？
首次啟用功能時，請輸入預設 SIM PIN：1234，之後可自行更改。

7. 我嘅手機被鎖，請問PUK碼係乜？
PUK 碼係當您輸入錯誤SIM PIN碼時，用於解鎖 SIM 卡的 安全碼。
你可於Birdie Mobile App ＞ 設定 ＞ SIM 卡管理 ＞ 索取SIM PIN / PUK碼 查閱（需驗證登記服務證件號碼）。

1. 我想暫停我個流動電話服務，可以點樣做？
於 Birdie Mobile App 前往 設定 ＞ SIM卡管理 ＞ 暫停流動電話服務 ＞ 按 確定 即可。
📌提提你：暫停服務期間仍需繼續繳付月費以保留賬戶。
例子：如遺失 SIM 卡，可暫停服務以避免被誤用。

2. 點樣完全終止流動電話服務？
於Birdie Mobile App前往 設定 ＞ 終止流動電話服務 ＞ 按 確定 即可辦理。
✅ 繳清所有費用，沒欠款
❌ 不接受電郵申請終止服務。

注意事項
• 如想由下期起終止服務，請於截數日 22:00 前或賬單開始日 04:00 後在 App 提出申請，實際終止日期以 App 顯示為準。
• 服務終止後，所有以任何形式贈送或轉移的本地數據或獎賞或積分或已 購買的漫遊數據日費，均會被取消而不作任何形式的退還。
• 電話號碼將被回收並重新分配，不可攜號轉台或再次使用。

3. 我想攜號轉台到其他流動電話商，可以點樣做？
我哋好抱歉你選擇離開自由鳥。

如需攜號轉台，請確保電話號碼保持啟動狀態，並繳清所有費用，請勿先在 Birdie Mobile App 暫停或終止服務。
請前往新流動電話商辦理轉台，並提供轉台日期及你於 Birdie 登記時使用的身份證號碼及全名。

📌所有以任何形式贈送或轉移的本地數據或獎賞或積分或已購買的漫遊數據日費，均會被取消而不作任何形式的退還。

點樣重新接駁我個流動電話服務？
於 Birdie Mobile App 前往 設定 ＞ SIM卡管理 ＞ 即刻接駁返自由鳥服務，再按指示辦理即可。

終止自由鳥服務計劃後，點樣安排退回「漫遊通話及IDD服務」按金？
請於服務終止3日後透過指定連結登入自由鳥網站並提交你的香港郵寄地址，我們會安排以支票形式退款。

申請退回漫遊通話及IDD服務按金

提交資料後，支票將於8 星期內寄出。

注意事項
• 如有未繳費用，將從按金中扣除。
• 如 90 日內未提交資料，按金將視作自動放棄。

請按按此瀏覽有關2022年版權（修訂）條例，並可將填妥之指稱侵權通知或異議通知提交至cr.notice@birdie.com。