有關「實名登記制」的常見問題

1: 我上台前明明已經交齊資料，點解我仲需要實名認證？
於實名認證條例生效前，為保障客戶私隱，電訊商會定時清除在存檔中的客戶資料。因此客戶必須重新遞交個人資料，以通過是次實名登記。

2: 點解我嘅自由鳥電話號碼用唔到？點解要停我台？
如果未能於2023年2月23日前完成實名認證，所有電話服務將會被停止。

3: 我點先可以恢復返自由鳥電話服務？
你只需要打開Birdie Mobile應用程式，並根據指示上傳身份證明文件，核對資料無誤後按提交。當系統成功完成認證後，你將可以係30分鐘後恢復服務，到時請重新啟動手提裝置，以便重新連接服務～

4: 我已完成實名登記但自由鳥電話服務仲未用到？
根據政府規例，如果你手動填寫個人資料，我哋需要人手確認你嘅身份證明文件，整個過程需時一至三個工作天。

5: 我已去咗郵政局辦理實名登記,自由鳥電話服務幾時用到？
當收到相關文件後，我哋需要人手確認你嘅身份證明文件，整個過程需時至少三個工作天。

6: 當系統成功完成認證審批後，你會收到系統嘅確認短訊通知，到時請重新啟動手提裝置，以便重新連接服務～
「實名登記制」對現有自由鳥客戶服務有冇影響？
客人暫時可放心繼續使用。根據政府規例，現有客戶只需於2023年2月23日或之前完成實名登記就可以。請放心，本公司系統升級後會公布相關詳情，並以短訊通知現有客戶。

7: 3月1日之後要提供嘅登記資料同之前有冇分別？
自由鳥一直都要求客人喺登記服務時填寫真實及有效嘅資料。
根據通訊事務管理局辦公室網頁：
https://www.ofca.gov.hk/tc/consumer_focus/guide/hot_topics/sim_registration/index.html
個人用戶所需資料如下：
• 中文姓名（如適用）及英文姓名
• 出生日期
• 身份證明文件號碼（如申請人並不持有香港身份證，他/她須作出以下聲明(i)不持有香港身份證及(ii)沒有使用其他身份證明文件作登記）
• 身份證明文件副本
• 若用戶為16歲以下的人士，須得到一名年滿十八歲成年人確認，同時登記該成年人的資料，並述明該名成人與申請人的關係

8. 收集嘅個人資料，通話記錄等會提供畀政府或其它部門嗎？
閣下請放心，自由鳥有嚴謹嘅業務守則，絕對唔會喺不合法嘅情況下將你嘅個人資料交畀第三者。

9: 點解我要進行實名登記？
因為《電訊(登記用戶識別卡)規例》（”《規例》”）已於2021年9月1日正式生效。《規例》指明由2022年3月1日起，電話智能卡用戶須開始為其電話智能卡向所屬電訊商進行實名登記。

10: 辦理實名認證時，系統提示呢個身份證/護照號碼登記嘅賬戶仲有逾期款項未交，要登入舊有賬戶繳交欠款。想知欠款嘅原因？
有機會喺你曾經用呢個身份證，登記過其它自由鳥號碼並有逾期款項未交。建議你可嘗試查返有無其它常用電郵收到過自由鳥嘅相關通知，以確認登記電郵地址。之後你可以用該登記電郵重新登入舊有賬戶，完成繳費之後做實名認證。

11: 系統顯示呢個身份證/護照號碼登記嘅賬戶仲有逾期款項未交，應該點繳交費用？
如果記得該舊賬戶嘅登記電郵及密碼，可以先喺Birdie Mobile App登出現有賬戶，然後登入舊賬戶嘅登記電郵及密繳費。
如果僅忘記登入密碼，可以先喺「忘記密碼」版面輸入舊賬戶嘅登記電郵（唔好輸入舊賬戶嘅電話號碼）重設密碼。
如果已忘記登記電郵，請你透過電郵聯絡hello@birdie.com.hk，提供喺自由鳥服務時所提供嘅身份證/護照號碼，同事收到後會為你處理。

12: 我唔記得咗自己喺邊個舊有賬戶欠費，該賬戶嘅登記電郵亦忘記咗，應該點揾返舊賬戶資料？
請你透過電郵聯絡 hello@birdie.com.hk，提供喺自由鳥服務時所提供嘅身份證/護照號碼，同事收到後會為你處理。

13: 我可以用護照或其它身份證明文件登記嗎？
根據《規例》，本港居民必須使用香港身份證進行實名登記。不過，假如你冇持有香港身份證，亦可以根據《規例》所指定的其他它身份證明文件(例如有效旅遊證件或護照*)進行實名登記。
*英國國民（海外）護照不能作為進行實名登記嘅有效身份證明文件

14: 我可以登記幾多個自由鳥電話號碼？
個人用戶最多可登記5個自由鳥電話號碼。

15: 假如我喺限期前都未登記我嘅電話智能卡會有咩後果？
根據法例要求，由2023年2月24日起，未有登記嘅電話智能卡服務將會被終止。

16: 進行實名登記時需要繳交任何費用嗎？
唔需要。用戶進行實名登記時毋須繳交任何費用。

17: 自由鳥遨遊SIM使唔使實名登記呀？
由於自由鳥遨遊SIM不提供香港流動數據服務，故此唔需要實名登記。

18: 可唔可以喺實名認證時安排轉名？
唔好意思，目前我哋未能支援為現有自由鳥客戶辦理轉名手續，只能為原來登記人實名認證。

19: 啱啱做咗實名登記，係咪代表已完成？
完成實名登記後，你會收到系統嘅確認短訊通知。

20: 喺咪我名下嘅所有流動電話號碼都要做實名認證？
只有收到實名認證通知嘅號碼先需要做實名認證，如果[我嘅計劃]入面無顯示需要做實名認證，即你已完成認證喇。

21: 我頭先嘗試實名登記，點解系統顯示我嘅身份證號碼唔啱？
實名登記時，請先確認你輸入現時號碼登記人嘅證件號碼，並需與登記服務時提供嘅證件號碼一致。當中身份證號碼嘅字母用大楷，括弧用英文形式符號“()”。
若已符合以上嘅輸入格式後仍不成功，請你透過電郵聯絡hello@birdie.com.hk，提供輸入嘅身份證/護照號碼資料及截圖畀我哋跟進。

22: 點解撳[立即掃瞄/上載]後，揀[選擇圖片或拍照]，Mobile App都冇反應？
1）當掃描／上載你嘅身份證明文件正本時，請先確認：
-提供彩色及清晰可見影像
-選擇光源充足嘅拍照場所
-唔好覆蓋證件嘅任何部分
-避免因光源所造成嘅反白
-提供唔超過5MB嘅JPG或PNG圖檔
2）可試下喺Birdie Mobile App開啟手機嘅相片及相機存取權，操作步驟大致如下：
(iOS)
設定 → 私隱 → 相機 → Birdie Mobile → 設定為開
設定 → 私隱 → 相片 → Birdie Mobile → 設定為開
(Android)
長按Birdie Mobile app icon → 設定 → 權限
→ 儲存裝置 → 僅允許存取媒體
→ 相機 → 僅在使用此應用程式時允許
如果未能搵到以上位置，可以刪除現有嘅Mobile App然後重裝。重裝後再次上載圖片 / 拍照，並選擇「允許取用所有相片」及「允許影相功能於使用應用程式時使用」。
有關政府新聞網之參考連結：
https://www.news.gov.hk/chi/2021/08/20210831/20210831_110317_898.html