常見問題 (App) | Birdie Travel SIM

1. 關於自由鳥遨遊SIM
Q1. 自由鳥遨遊SIM係乜？
Q2. 適用於乜嘢裝置？
Q3. 提供乜嘢SIM卡格式？
Q4. 支援邊啲目的地同網絡？

2. 關於外遊日費
Q1. 點樣加購外遊日費？
Q2. 外遊日費包幾多數據用量？
Q3. 如果當日嘅高速漫遊數據唔夠用，可以額外加購數據嗎？
Q4. 外遊日費係點樣定義「一日」？
Q5. 外遊日費嘅有效期係點計？
Q6. 我買咗多個外遊日費，係唔係要連續用咁多日？
Q7. 同一個外遊日費，可唔可以跨國家或者地區使用？
Q8. 經陸路/水路過境嘅時候，外遊日費會點扣？
Q9. 點樣查閱外遊日費購買紀錄同有效期？

3. 關於「Birdie Travel App」
Q1. 喺邊度下載「Birdie Travel App」?
Q2. 喺「Birdie Travel App」配對遨遊SIM有咩好？
Q3. 點配對遨遊SIM？
Q4. 我喺「我的遨遊SIM」已經配對咗一張遨遊SIM。可以配對另外一張遨遊SIM嗎？
Q5. 「Birdie Travel App」適用於邊個iOS 或 Android 版本？

4. 使用自由鳥遨遊SIM
Q1. 點樣啟動遨遊SIM嘅數據服務？
Q2. 我張自由鳥遨遊SIM連接唔到數據服務。點算？
Q3. 除咗自動連接當地網絡，我可以揀其他網絡嗎？
Q4. 自由鳥遨遊SIM支唔支援網絡共享（Tethering）功能，用嚟同其他裝置分享數據？
Q5. 用自由鳥遨遊SIM時，可唔可以打出語音電話？
Q6. 用緊自由鳥遨遊SIM嘅時候，點樣可以用返既有香港電話嘅漫遊語音通話？
Q7. 用自由鳥遨遊SIM嗰陣，WhatsApp 號碼要唔要同時更新？

5. 關於合作夥伴/銷售點
Q1. 除咗喺網站或者「Birdie Travel App」，仲可以喺邊度買到自由鳥遨遊SIM？
Q2. 喺合作夥伴/銷售點買到嘅自由鳥遨遊SIM適用喺咩目的地，有幾多日外遊日費？

6. 付款、送貨、自取
Q1. 購買自由鳥遨遊SIM同外遊日費有乜嘢付款方式？
Q2. 點樣可以攞到張新SIM？

7. 關於實名登記
Q1. 自由鳥遨遊SIM使唔使實名登記呀？

8. 有關2022年版權（修訂）條例

仲有疑問未解答到？

請瀏覽我哋嘅Facebook或電郵至cs@birdie.com.hk查詢。

關於自由鳥遨遊SIM

Q1. 自由鳥遨遊SIM係乜？

遨遊SIM係一張超過60個目的地都用得嘅漫遊數據卡。好處係俾你每次旅行都可以用返同一張SIM加購外遊日費，唔使再次次出發前周圍去買數據卡，費時失事。喺海外一插即用，無需繁複設定，旅遊公幹必備。

Q2. 適用於乜嘢裝置？

遨遊SIM適用於智能手機、平板電腦、iPad（Wi-Fi版除外）或Wi-Fi蛋等流動數據裝置。

Q3.提供乜嘢SIM卡格式？

遨遊SIM提供唔同嘅SIM卡格式，包括Nano、Micro同Mini，適用於絕大部份手機型號。
我哋仲有eSIM畀你揀！自由鳥eSIM支援指定型號手機:
– Apple iPhone 12 mini
– Apple iPhone 13 mini
– Apple iPhone SE (2nd generation)
– Apple iPhone SE (3rd generation)
– Apple iPhone XS
– HONOR Magic 4 Pro
– HONOR Magic 5 Pro
– HONOR Magic 6 Pro
– HONOR Magic V3
– HONOR Vs
– HONOR 90
– HONOR 200 Pro
– HONOR 200
– Huawei Mate40 Pro (NOH-NX9)
– Huawei P40 (ANA-NX9)
– Huawei P40 Pro (ELS-NX9)
– Huawei Pura 70 Pro
– Motorola RAZR 5G
– Nokia X30 (TA-1450)
– OnePlus 11 5G
– Samsung Galaxy Z Flip (SM-F700F)
– Samsung Galaxy Tab S9|Tab S9+|Tab S9 Ultra
– Samsung Galaxy Tab S9 FE+|Tab S9 FE
– VIVO X90 Pro 5G
– VIVO X90 Pro
– VIVO X100 Pro
– Xiaomi 13 series
– Xiaomi 13 Pro
– Xiaomi 13
– Xiaomi 13T Pro
– Xiaomi 13T
– Xiaomi 14
截至2024年8月

提提你：
– 請確保你嘅手機型號支援eSIM，一旦選取eSIM後，你並唔能夠更換成實體SIM卡，SIM卡內嘅日費亦唔可以轉移到其他SIM
– 自由鳥嘅eSIM唔支援Apple Watch
– 支援嘅裝置將會不定時更新

Q4. 支援邊啲目的地同網絡？

遨遊SIM喺全球超過60個目的地都用得到。主要支援4G網絡數據服務，個別地區支援3G數據服務，實際使用需視乎使用量同地方網絡覆蓋。請喺「目的地」及「網絡支援」頁面參考個別地區網絡覆蓋。

關於外遊日費

Q1. 點樣加購外遊日費？

先選擇目的地，然後揀日數，最後付款就搞掂！到達目的地後，喺裝置插入遨遊SIM，即可連接當地網絡。

Q2. 外遊日費包幾多數據用量？

數據係任用！當每日每地區漫遊數據用量達到500MB(或指定數據用量)，你仍然可以繼續享用漫遊數據，但留意上網速度會被調整至唔高於128kbps。

Q3. 如果當日嘅高速漫遊數據唔夠用，可以額外加購數據嗎?

你可以透過「Birdie Travel App」或網頁額外加購當日數據。喺「我的遨遊SIM」配對咗SIM卡之後，撳「追加即日數據」按鈕，選擇即時付款，或者扣減戶口內適用嘅外遊日費嚟追加數據(如有)，就可以保持流暢嘅上網速度！

Q4. 外遊日費係點樣定義「一日」？

「一日」定義為漫遊國家(首都)或地區當地時間00:00至23:59 。
(如身處國家有多於一個時區，外遊日費將以當地首都時間00:00至23:59定義為一日。)

Q5. 外遊日費嘅有效期係點計？

如果冇特別指明，網上購買外遊日費嘅有效期為180日，經合作伙伴/銷售點購買嘅SIM就可以參閱包裝上嘅有效期。
另外，除特別指明外，每次加購外遊日費之後，你所有未用嘅外遊日費有效期都會重設為180日，或更新至原來之有效期(以較後日子為準)，延長咗就可以繼續用遨遊SIM啦。
你仲可以喺「我的遨遊SIM」配對SIM卡，有效期就一目了然啦。記住喺有效期前用外遊日費！

Q6. 我買咗多個外遊日費，係唔係要連續用咁多日？

買咗嘅外遊日費，只會喺啟動流動數據服務當日扣除，唔需要連續咁用。

Q7. 同一個外遊日費，可唔可以跨國家或者地區使用？

如果喺同一日內連接唔同國家或地區嘅流動網絡，每一個國家或地區會分別扣除一次外遊日費*。
*例外1：如果喺同一日內到訪內地及澳門，只會扣除一次日費。(「亞洲特區」除外)
例外2：如果同日到訪歐洲唔同國家或地區，最多只會扣除兩次日費。例如朝早喺荷蘭出發，中午到訪盧森堡，同日夜晩再去到比利時，即使全程有用漫遊數據，亦只會扣除兩次日費。

Q8. 經陸路/水路過境嘅時候，外遊日費會點扣?

邊境訊號複雜，經陸路/水路過境嘅時候(例如：港珠澳大橋)，建議唔好立即開啟「數據漫遊」，避免引起不必要嘅漫遊用量而令到外遊日費被扣除。

Q9. 點樣查閱外遊日費購買紀錄同有效期？

你可以喺「我的遨遊SIM」配對SIM 卡就可以查閱購買紀錄同有效期。

關於「Birdie Travel App」

Q1. 喺邊度下載「Birdie Travel App」?

你可以喺App Store、Google Play或者AppGallery 下載「Birdie Travel App」。

Q2. 喺「Birdie Travel App」配對遨遊SIM有咩好?

當遨遊SIM 同「Birdie Travel App」成功配對之後，你就可隨時隨地：
1. 查詢賬戶 – 喺「我的遨遊SIM」內睇返剩餘外遊日費同佢哋嘅有效期。
2. 加購日費 – 直接為遨遊SIM加購外遊日費，隨時再出發！
3. 追加即日數據 – 如果高速數據唔夠用，你可以按需要追加，即買即享受！

Q3. 點配對遨遊SIM?

喺app裡面嘅「我的遨遊SIM」，掃描SIM卡背後嘅QR 碼或輸入15個位ICCID號碼，就可以成功配對。

Q4. 我喺「我的遨遊SIM」已經配對咗一張遨遊SIM。可以配對另外一張遨遊SIM嗎？

你可以先喺「我的遨遊SIM」解除已配對嘅遨遊SIM，然後再配對另外一張遨遊SIM。

Q5. 「Birdie Travel App」適用於邊個iOS 或 Android 版本？

– iOS 10.0 或以上版本
– Android OS 4.4 或以上版本

使用自由鳥遨遊SIM

Q1. 點樣啟動遨遊SIM嘅數據服務？

1. 到達目的地後，將遨遊SIM插入手機或流動裝置再開機
2. 開啟手機或者流動裝置嘅「流動數據網絡」同「數據漫遊」功能
3. SIM卡會自動連接當地網絡 (如果已購買當地嘅外遊日費，就可以即時使用流動數據)

我哋建議雙卡手機用戶將SIM卡插入SIM 1卡槽，同埋將數據服務網絡設定為使用SIM 1。

提提你：用完遨遊SIM或換返其他SIM卡之前，記得先關閉手機漫遊數據功能，以免產生不必要嘅漫遊費用。

Q2. 我張自由鳥遨遊SIM連接唔到數據服務。點算？

請確定：
1. 手機或者流動裝置已經正確插入SIM卡
2. 已經買咗適用於身處目的地嘅外遊日費
3. 已啟動「流動數據網絡」+「數據漫遊」功能，無線網絡存取點 (APN) 已設定為「Internet」：
i. Android*：設定>無線與網絡>更多 >流動網絡 >接入點名稱(APN)
ii. iOS：設定>流動網絡>流動數據選項>流動數據網絡>(APN)
*個別Android手機或平版電腦嘅設定會有分別，請向手機生產商查詢。
如果仍然未連接到網絡，請嘗試關閉手機電源，重新開機。

Q3. 除咗自動連接當地網絡，我可以揀其他網絡嗎?

遨遊SIM會自動連接當地網絡，詳情可以參考各地支援網絡商列表。
如果你身處嘅地區支援多於1個網絡商，你亦可以透過手動設定網絡，揀選其他適用嘅網絡。
如果更改設定後都未連接到網絡，請嘗試關閉手機電源，重新開機。

Q4. 自由鳥遨遊SIM支唔支援網絡共享（Tethering）功能，用嚟同其他裝置分享數據？

遨遊SIM支援網絡共享（Tethering），亦可插入Wi-Fi蛋分享數據，但唔支援點對點傳輸應用程式（P2P）、 FTP 文件共享同網路錄影監控。

Q5. 用自由鳥遨遊SIM時，可唔可以打出語音電話？

遨遊SIM唔支援漫遊語音通話，但你可以用第三方應用程式（如Whatsapp、 Line等），用流動數據打出語音電話。

Q6. 用緊自由鳥遨遊SIM嘅時候，點樣可以用返原有香港電話嘅漫遊語音通話？

如果你想用手機接聽漫遊語音通話，又想用數據上網，其中一個方法係保留原有香港網絡商SIM卡喺手機，咁就可以打出或接聽漫遊語音通話，另外遨遊SIM配合埋Wi-Fi蛋就可以繼續上網啦。

Q7. 用自由鳥遨遊SIM嗰陣，WhatsApp 號碼要唔要同時更新？

去到外地為流動裝置更換遨遊SIM之後，WhatsApp 會詢問你想保留定更新號碼。你只要選擇保留，就可以喺手機或流動裝置用返原有嘅WhatsApp賬戶。

關於合作夥伴/銷售點

Q1. 除咗喺網站或者「Birdie Travel App」，仲可以喺邊度買到自由鳥遨遊SIM?

依家可以喺以下合作夥伴/銷售點嘅指定分店買到自由鳥遨遊SIM – 「亞洲12地 x 5天」：

– OK便利店 (按此瀏覽有關分店資料)
– 惠康、Jasons、Market Place by Jasons、3hreesixty (按此瀏覽指定分店資料)
– 759阿信屋 (按此瀏覽指定分店資料)

Q2. 喺合作夥伴/銷售點買到嘅自由鳥遨遊SIM適用喺咩目的地，有幾多日外遊日費?

喺合作夥伴/銷售點買到嘅自由鳥遨遊SIM內有5天「亞洲12地」外遊日費。適用於日本、中國、台灣、南韓、泰國、澳門、新加坡、馬來西亞、印尼、孟加拉、柬埔寨同斯里蘭卡。
日費用邊日就扣邊日，唔需要連續使用！
當然，你買咗之後都可以隨時隨地喺「Birdie Travel App」加購其他地區嘅日費啦！

付款、送貨、自取

Q1.購買自由鳥遨遊SIM同外遊日費有乜嘢付款方式？

我哋依家接受Apple Pay、Google Pay、AlipayHK、八達通銀包、Visa或 Master信用卡付款，日後將會支援更多付款方式。

Q2. 點樣可以攞到張新SIM？

喺我哋網站或者「Birdie Travel App」揀咗目的地之後，選購「全新遨遊SIM」就可以，有實體SIM卡，或eSIM可以揀。

1. 實體SIM卡(平郵寄送): 我哋會以香港郵政平郵寄送到你嘅地址，預計運送時間：4-6個工作天。離島以及偏遠地區或需較長寄送時間。如果訂單金額達到HK$600或以上，我哋會喺3 個工作日内免費用速遞運送。預計運送時間只供參考，並不作為服務運送承諾。

2. 實體SIM卡 (到OK便利店即時自取): 成功付款後，領取SIM嘅二維碼及詳情會經由訂單確認通知電郵寄出，請於90日內盡快到OK便利店領取SIM卡，可於以下網址查看地址及存貨量。每一個二維碼只可領取一張遨遊SIM。你可於同一訂單訂購及領取多張遨遊SIM，如商戶存貨量不足，閣下仍可憑訂單二維碼到其他分店領取餘數遨遊SIM。

3. eSIM: 我哋會透過確認電郵發送啟動資料。

關於實名登記

Q1. 自由鳥遨遊SIM使唔使實名登記呀？

由於自由鳥遨遊SIM不提供香港流動數據服務，故此唔需要實名登記。

有關2022年版權（修訂）條例

請按此瀏覽有關2022年版權（修訂）條例，並可將填妥之指稱侵權通知或異議通知提交至cr.notice@birdie.com。