關於自由鳥遨遊SIM

Q1. 自由鳥遨遊SIM係乜?

遨遊SIM係一張可以喺超過50個國家都用得嘅漫遊數據卡。每次旅行都可以用返同一張SIM加購數據日費,唔使次次出發前周圍去買數據卡。喺海外一插即用,無需繁複設定,旅遊公幹必備。

 

Q2. 自由鳥遨遊SIM適用於乜嘢裝置?

遨遊SIM適用於智能手機、平板電腦、iPad(WiFi版除外)或WiFi蛋等流動數據裝置。

 

Q3.自由鳥遨遊SIM有冇有效期限?

遨遊SIM喺購買數據日費起計365日內有效。個別數據日費有效期或者會唔同,請留意相關優惠條款。你可以於「我的遨遊SIM」査閲個別漫遊日費使用期限。

 

Q4. 自由鳥遨遊SIM提供乜嘢SIM卡格式?

遨遊SIM提供唔同嘅SIM卡格式,包括Nano、Micro同Mini,適用於絕大部份手機型號。

 

Q5. 自由鳥遨遊SIM支援乜嘢網絡?

遨遊SIM主要支援4G網絡數據服務,個別地區支援3G數據服務,實際使用需視乎使用量同地方網絡覆蓋。詳情請於「目的地」及「網絡支援」參考個別地區網絡覆蓋。

 

Q6. 自由鳥遨遊SIM支援邊啲目的地?

詳情請於「目的地」或「Birdie Travel」應用程式内參考個別地區網絡覆蓋。

 

Q7. 揀自由鳥遨遊SIM? 定係加埋WiFi蛋?

• 獨行鳥/分開遊:一人一張遨遊SIM就最簡單

• 成群鳥:買遨遊SIM再加配華為4GWiFi蛋,最多10個老友同時share WiFi ,share旅程喜悅。

• 如果你想用手機接收漫遊語音通話,又想用遨遊SIM數據上網,咁你只要保留原有香港網絡商SIM卡喺手機就可以打出或接收漫遊語音通話*,而上網就用WiFi蛋(配合遨遊SIM使用)就可以。

*注意網絡商會收取漫遊通話費用

 

關於數據日費

Q1. 點樣加購數據日費?

先選擇目的地,然後日數,最後付款- 搞掂!到達目的地後,喺裝置插入遨遊SIM,即可連接當地網絡。

 

Q2. 數據日費包幾多數據用量?

數據係任用!因應個別地區而定,當每日每地區漫遊數據用量達到500MB/300MB,你仍然可以繼續享用漫遊數據,但留意上網速度會被調整至不高於128kbps。

 

Q3. 當每日漫遊數據用量用完,可以額外加購數據嗎?

當漫遊數據用量達至當日上限(500MB/300MB),可經Birdie Travel應用程式以當時日費價錢追加即日同等數據用量。「Birdie Travel」應用程式會有提示,或者喺應用程式裡面嘅「我的遨遊SIM」,再揀「追加即日數據」,就可追加即日高速數據,保持流暢上網速度!

 

Q4. 數據日費如何定義「一日」?

「一日」定義為漫遊國家(首都)或地區的當地時間00:00至23:59 。

 

Q5. 我買咗嘅數據日費,最遲要幾時啟用?

請於「我的遨遊SIM」查閱數據日費有效期,並於有效期前使用數據日費。

 

Q6. 我買咗多個數據日費,係唔係要連續多日使用?

已購買嘅數據日費,只會喺啟動流動數據服務當日扣除,無需連續多日使用。

 

Q7. 同一個數據日費,可唔可以跨國家或地區使用?

如果喺同一日內連接不同國家或地區的流動網絡,每一個國家或地區將分別扣除一次數據日費。

但如果同日到訪歐洲唔同國家或地區,最多只會扣除兩次日費。例子:朝早喺荷蘭出發,中午到訪盧森堡,同日夜晩到達比利時,即使全程有用漫遊數據,亦只會扣除兩次日費。

 

Q8. 點樣查閱數據日費購買紀錄?

你可以喺「我的遨遊SIM」查閱紀錄。

 

關於「Birdie Travel」應用程式

Q1. 喺邊度下載「Birdie Travel」應用程式?

你可以喺App Store 或者Google Play 下載「Birdie Travel」應用程式。

 

Q2. 喺「Birdie Travel」app 配對遨遊SIM有咩好?

當遨遊SIM 同「Birdie Travel」app 成功配對後, 你便可隨時隨地:
1. 查詢賬戶 – 於「我的遨遊SIM」內查詢剩餘數據日費及其有效期。
2. 加購日費 – 直接為遨遊SIM加購數據日費, 隨時再出發!
3. 追加即日數據^ – 於當日高速數據用完後, 你可以按需要追加, 即買即享受!
^當漫遊數據用量達至當日上限(500MB/300MB),可經Birdie Travel應用程式以當時日費價錢追加即日同等數據用量。「Birdie Travel」應用程式會有提示,或者喺應用程式裡面嘅「我的遨遊SIM」,再揀「追加即日數據」,就可追加即日高速數據,保持流暢上網速度!

 

Q3. 如何配對遨遊SIM?

只要係app裡面嘅「我的遨遊SIM」,掃描SIM卡背後嘅QR 碼或輸入15個位ICCID號碼便可成功配對。

 

Q4. 我喺「我的遨遊SIM」已經配對咗一張遨遊SIM。可以配對另外一張遨遊SIM嗎?

你可以先解除已配對嘅遨遊SIM ,然後再配對另外一張遨遊SIM。

 

使用自由鳥遨遊SIM

Q1. 點樣啟動遨遊SIM嘅數據服務?

1. 到達目的地之後,將遨遊SIM插入手機或流動裝置再開機
2. 開啟手機或者流動裝置嘅「流動數據網絡」同 「數據漫遊」功能
3. SIM卡會自動連接當地網絡 (如果已購買當地嘅數據日費,就可以即時使用流動數據)

我哋建議雙卡手機用戶將SIM卡插入SIM 1卡槽,並將數據服務網絡設定為使用SIM 1。

提提你:使用完遨遊SIM或換返其他SIM卡之前,記得先關閉手機漫遊數據功能,以免產生不必要嘅漫遊費用。

 

Q2. 我張自由鳥遨遊SIM連接唔到數據服務。點算?

1. 請確定遨遊SIM已經插入手機或者流動裝置內
2. 請確定已經購買咗適用身處目的地嘅數據日費
3. 請確定手機或者流動裝置嘅「流動數據網絡」同 「數據漫遊」功能都已經啟用。
4. 請將無線網絡存取點名稱(APN)設定為「Internet」。
    – Android:設定>流動網絡>存取點名稱(APN)
    – iOS:設定>流動網絡>流動數據選項>流動數據網絡>APN
5. 如果仍然未連接到網絡,請嘗試關閉手機電源,重新開機。

 

Q3. 自由鳥遨遊SIM支唔支援網絡共享(Tethering)功能,跟其他WiFi裝置分享數據?

遨遊SIM支援網絡共享(Tethering)或者可插入WiFi蛋內分享數據,但唔支援點對點傳輸應用程式(P2P)、 FTP 文件共享同網路錄影監控。

 

Q4. 喺香港可唔可以用自由鳥遨遊SIM?

遨遊SIM唔支援香港嘅流動網絡服務。

 

Q5. 單用自由鳥遨遊SIM時,可唔可以打出語音電話?

雖然遨遊SIM並唔支援漫遊語音通話,但你可以使用第三方應用程式(如Whatsapp、 Line等),利用流動數據打出語音電話。

 

Q6. 使用自由鳥遨遊SIM嘅時候,點樣可以用返既有香港電話嘅漫遊語音通話?

如果你想用手機接收漫遊語音通話,又想用數據上網,咁你只要保留原有香港網絡商SIM卡喺手機就可以打出或接收漫遊語音通話*,而上網就用WiFi蛋(配合遨遊SIM使用)就可以。

 

Q7. 用自由鳥遨遊SIM時,WhatsApp 號碼要唔要同時更新?

去到外地為流動裝置更換遨遊SIM之後,WhatsApp 會詢問你想保留定更新號碼。你只要選擇保留,就可以喺手機或流動裝置用返原有嘅WhatsApp帳戶。

 

關於合作夥伴

Q1. 除咗喺網站或者「Birdie Travel」應用程式,仲可以喺邊度購買自由鳥遨遊SIM?

宜家可以喺指定759阿信屋及一田百貨搵到自由鳥遨遊SIM – 5天4G任用數據啦。日費適用於亞洲六大熱門旅遊地區: 日本、台灣、澳門、新加坡、馬來西亞、印尼。
當然,你買咗之後都可以隨時隨地喺「Birdie Travel」應用程式加購其他地區嘅日費啦!

 

關於華為4GWiFi蛋

Q1. 點樣用WiFi蛋連線上網?

1. 先將遨遊SIM卡插入WiFi蛋SIM卡糟
2. 長按電源直至LED畫面亮起
3. 打開WiFi蛋後蓋,尋找網絡名稱及輸入Wi-Fi密碼
4. 當畫面出現無線網絡訊號, 便可連接你嘅手機 (或其他流動裝置)上網。

 

Q2. WiFi蛋連接唔到數據服務,點算?

1. 確保輸入正確的密碼 (網絡名稱同密碼於打開WiFi蛋後蓋後找到)
2. 嘗試關閉電源, 然後重新開機
3. 如果仍然未能連接數據, 將WIFI蛋重置到出廠設定
4. 再次關閉電源, 並重新開機

 

Q3. 同時最多可以連接幾多部流動裝置?

WiFi蛋最多可以支援10部流動裝置同時上網!

 

Q4. WiFi蛋支援乜嘢尺寸嘅SIM卡?

WiFi蛋支援Normal SIM尺寸。(提提你:遨遊SIM有Normal SIM尺寸,適用於華為4G WiFi蛋)

 

Q5. 我部蛋有問題要維修,點算?

由購買日起有一年保養服務。如需要維修,請攜帶收據正本同有問題嘅産品,
到客戶服務中心檢查或維修。有關服務中心地址, 電話號碼及營業時間詳情請參考:
華為客戶服務中心:
http://consumer.huawei.com/hk/support/service-center/

ZMI 客戶服務中心:
http://www.mi.com/hk/service/repair/

 

付款、送貨

Q1.購買自由鳥遨遊SIM有乜嘢付款方式?

我們依家接受Apple Pay, VISA或 MASTER信用卡付款,日後將會支援更多付款方式。

 

Q2. 我現在手上無自由鳥遨遊SIM,點樣可以攞到張新SIM?

首次喺我哋網站或者「遨遊SIM」應用程式購買數據日費後,我哋就會免費將遨遊SIM寄俾你。

我哋會喺5個工作日内以平郵方式寄出遨遊SIM。如果訂單金額達到HK$400或以上,我哋會喺3 個工作日内免費用速遞運送。

 

仲有疑問未解答到?

請瀏覽我哋嘅Facebook或電郵至cs@birdie.com.hk查詢。