上台用eSIM 一撳就搞掂
[ 閱讀時間 3分鐘 ]
有冇大頭蝦試過唔見SIM卡？或者整爛過張SIM卡呢？唔緊要，嚟到廿一世紀，新出嘅iPhone同Android手機都已經支援eSIM。簡單嚟講，可以畀你一機兩號，對數據量極大需求嘅人就啱晒。
頭都大鳥？快啲睇吓 eSIM 有咩咁巴閉！
1. SIM卡都有得出pool 雙卡機我變變變
簡單啲講，eSIM係張數碼嘅SIM 卡，並無實體。你可以透過掃瞄QR Code， 就可以將 eSIM 號碼同服務「植入」到電話，唔需要另外再插實體卡，變相輕鬆化身雙卡機，可以左擁右抱兩張卡！
開通之後，即刻可以同一部機，分開用到兩個電話號碼。就算以後你要換電話，都可以透過OTA (Over the Air) 嘅方式，將eSIM下載到新電話就搞掂喇。
最大好處係可以一部機開2個WhatsApp！一個普通WhatsApp、一個WhatsApp Business，方便分開公事私事、感情事……
以前去旅行要買當地SIM卡，日本、韓國、台灣、泰國……一個地方一張真係頭都大。有eSIM就唔使再煩換卡！
2. 張SIM卡唔使再換畫咁換
平時去旅行要換SIM卡，通常都好心急，即刻會喺飛機或者機場度換，好容易搞到雞手鴨腳。不過張卡細細張，整唔見真係唔出奇。
作為自由鳥用戶，其實你仲可以簡簡單單咁喺Birdie Mobile App加購外遊日費！去旅行都唔使換卡，亦唔再需要諗跌咗嘢仲搵唔搵啦，用eSIM咪唔會跌囉！喺唔同地方都可以隨時換電訊商，輕輕鬆鬆鄧梓峰。
3. 整唔見電話都冇有怕
唔少人都試過唔見電話，甚至俾人偷走。如果拎走你部電話嘅曳曳豬唔物歸原主，通常第一步都會攞走SIM卡，避免訊號遭到追查。
但如果你夠潮，用緊嘅係eSIM，對方就可能會以為部電話冇插SIM卡，繼而放心用落去，有機會因為被追查到訊號而落網㗎。不過大家唔好貪得意試呀，唔包生仔㗎！
目前唔少電話同智能裝置都支援eSIM，而自由鳥一貫都企喺潮流尖端，當然都有得俾你用啦。只要係登記上台嘅時候揀番要實體SIM卡、定要eSIM就得㗎喇。即刻開通自由鳥eSIM！
自由鳥eSIM支援指定型號手機
撳呢度可以睇到詳細eSIM嘅設定步驟。
上一篇：「月光寶盒開箱」優惠一撳就有
更多精彩文章：